1E rile Jehofa a ba a busa
botshwaro jwa Sione,
ra nna jaaka ba ba lorang.
2Foo molomo wa rona
wa tlala setshego,
le loleme lwa rona lwa tlala go opela;
foo ba bua mo merafeng, ba re:
“Jehofa o ba diretse dilo tse
dikgolo.”
3Jehofa o re diretse dilo tse dikgolo,
tse re di itumelelang.
4Ba o buse botshwaro jwa rona,
Jehofa,
jaaka dinokana tsa kwa Borwa.
5Ba ba jalang ka dikeledi
ba tlaa roba ka boitumelo.
6Le fa motho a ka tswa a tsamaya
a ntse a lela, mme a tshotse peo,
o tlaa ba a tla gape,
dingata tsa gagwe a na natso.
Who We AreWhat We EelieveWhat We Do
2025 by iamachristian.org,Inc All rights reserved.
