1Jaanong o tlaa iphutha,
o nna ditlhopha,
wena morwadia ditlhopha;
o re tlhasetse,
ba tlaa kanya kgosi ya Iseraele
mo lesameng ka thupa.
Modimo o solofetsa Baiseraele kgosi e e tswang Bethelehema2 “Wena Bethelehema Eferatha,
yo o leng mmotlana
mo go makgolokgolo a Juta,
mo go wena go tlaa ntswela
mongwe yo o tlaa nnang molaodi
mo Iseraele;
yo matso a gagwe
a sa leng a nna a bogologolo,
e bong ka go se nang tshimologo.”
3Ke gone ka moo
o tlaa ba tlhobogang,
ene yo o mo metlotseding
a ba a tla a belega;
foo makunantshane a bana
ba ga rraagwe
a tlaa boela kwa baneng ba Iseraele.
4O tlaa ema,
mme o tlaa fudisa letsomane
la gagwe ka thata ya ga Jehofa,
ka tlotlomalo ya leina
la ga Jehofa Modimo wa gagwe;
mme ba tlaa nna;
gonne jaanong o tlaa nna mogolo
le go ya dikhutlong tsa lefatshe.
5Mme monna yoo
e tlaa nna ene kagiso ya rona.
Kgololo le kwatlhaoMogang Moasiria o tlang
mo lefatsheng la rona,
le mogang o gatang
mo matlong a rona a dikgosi,
foo re tlaa mo tsosetsa
badisa basupa,
le banna ba bagolwane
ba ba ferang e le mabedi.
6 Mme ba tlaa lakaila
lefatshe la Asiria ka tšhaka,
le lefatshe la Nimerote
mo dikgorong tsa lone;
mme o tlaa re golola
mo Moasirieng,
mogang o tlang
mo lefatsheng la rona,
le mogang o gatang
mo teng ga molelwane wa rona.
7Le masalela a ga Jakobe
a tlaa nna mo gare ga ditšhaba
di le dintsi, jaaka monyo
o o tswang kwa go Jehofa,
jaaka medupe mo bojannyeng;
e e sa diegeleng motho,
le fa e le go leta bana ba batho.
8Maselela a ga Jakobe
a tlaa nna mo merafeng,
mo gare ga ditšhaba di le dintsi,
jaaka tau
mo gare ga diphologolo tsa sekgwa,
jaaka tawana
mo matsomaneng a dinku,
e e a reng e ralala e be e gatake,
e gagole, mme go bo go se na ope
yo o gololang.
9A seatla sa gago se tsholelediwe
godimo ga baba ba gago,
mme a baba botlhe ba gago
ba kgaolwe.
10“Go tlaa dirala mo motlheng oo,”
go bua Jehofa,
“go re ke tlaa kgaola dipitse
tsa gago
di tswa mo gare ga gago,
ke ba ke senya dikara tsa gago.
11Ke tlaa kgaola metse
ya lefatshe la gago,
ke tlaa rutla dikago tsotlhe
tsa gago tsa phemelo tse di thata.
12Ke tlaa kgaola ke tlosa boloi
mo seatleng sa gago;
mme ga o ketla o tlhola o dira
le baswabi ba ditiro.
13Ke tlaa kgaola ke tlosa
ditshwantsho tsa gago
tse di setilweng,
le maje a a emeng motloutlo
a gago mo gare ga gago;
mme ga o ketla o tlhola o obamela
tiro ya diatla tsa gago.
14Ke tlaa khumola
ke tlosa Medimako ya gago
mo gare ga gago,
ke tlaa senya metse ya gago.
15Ke tlaa dirafatsa pusoloso
ka bogale le mo merafeng
e e se kang ya reetsa.”
Who We AreWhat We EelieveWhat We Do
2025 by iamachristian.org,Inc All rights reserved.
