1“Mowa wa me o fedile,
malatsi a me a timile,
phupu e ntebeletse.
2Ruri ke a bo ke na le basotli,
mme leitlho la me le ntse fela
le lebile kgakatso ya bone.
3“A ko o ntshe peelo jaana,
a ke emelwe ke wena
fa pele ga gago ka wesi;
go na le mang
yo o tlaa opanyang le nna diatla?
4Gonne o subetse pelo ya bone
tlhaloganyo;
ke gone ka moo o se ketlang
o ba goletsa.
5Yo o okang ditsala tsa gagwe
gore di tle di thopiwe,
le e leng matlho a bana ba gagwe
a tlaa kalega.
6“O bile o ntirile setlhaba seane
mo bathong;
ke fetogile ka nna motho
wa sekgwelwa mathe fela.
7Le leitlho la me
le fifaditswe ke bohutsana,
ditokololo tsa me tsotlhe
di ntse jaaka moriti fela.
8Bathokgami ba tlaa gakgamalela se,
le ba ba se nang molato
ba tlaa itlhotlheleletsa
yo o sa reng Modimo sepe.
9Le fa go ntse jalo
motho yo o tshiamo
o tlaa tshegetsa tsela ya gagwe,
le yo o diatla tse dintle
o tlaa nna a thatafala bogolo
bogolo.
10Mme boang lotlhe, lo tle jaana,
mme ga nketla ke fitlhela
motho yo o botlhale mo go lona.
11Malatsi a me a fetile,
maikaelelo a me a robilwe,
e bong megopolo ya pelo ya me.
12Ba fetola bosigo motshegare,
ba re: ‘Lesedi le gaufi le lefifi.’
13Fa ke solofetse go re
Bobipo e tlaa nna ntlo ya me;
fa ke adile sesekamelo sa me
mo lefifing;
14fa ke reile sebodu ka re:
‘Ke wena rre.’ Le seboko ka re:
‘Ke wena mme le kgaitsadiake;’
15foo tsholofelo ya me e bo e le kae?
Ka ga tsholofelo ya me
e mang yo o tlaa e bonang?
16E tlaa fologela kwa mephakalegong
ya Bobipo
mogang go sena go bonwa boikhutso
mo loroleng.”
Who We AreWhat We EelieveWhat We Do
2025 by iamachristian.org,Inc All rights reserved.
