1Bakang Jehofa.
Opelelang Jehofa sefela
se seša, le pako ya gagwe
mo phuthegong ya baitshepi.
2A Iseraele a itumele
mo go ene yo o mo dirileng;
bana ba Sione ba ipele
mo kgosing ya bone.
3A ba bake leina la gagwe
ka go bina;
a ba mo opelele dipako
ka moropana le harepe.
4Gonne Jehofa o na le kgatlhego
mo bathong ba gagwe;
o tlaa kgabisa
ba ba pelonomi ka poloko.
5A baitshepi ba kgane ka boitumelo
mo kgalalelong;
a ba opele ka boitumelo
ba le mo malaong a bone.
6A dipako tse dikgolo tsa Modimo
di nne mo molomong wa bone
le tšhaka e e magale mabedi
e nne mo diatleng tsa bone:
7Go dirafatsa pusoloso mo merafeng,
le dipetso mo ditšhabeng;
8go golega dikgosi tsa tsone
ka diketane, le barena ba tsone
ka dikgolego tsa tshipi;
9go dirafatsa mo go bone
katlholo e e kwadilweng;
tlotlo e, baitshepi botlhe ba gagwe
ba na nayo.
Bakang Jehofa.
Who We AreWhat We EelieveWhat We Do
2025 by iamachristian.org,Inc All rights reserved.
