1Jehofa o a busa;
a lefatshe le ipele;
a ditlhake tse dintsi di itumele.
2Maru a mo dikanyeditse le lefifi;
tshiamo le katlholo ke motheo
wa setulo sa gagwe sa bogosi.
3Molelo o tsamaya fa pele ga gagwe,
mme o fisetsa ruri baba ba gagwe
mo tikologong.
4Dikgadima tsa gagwe tsa bonesa
lobopo; lefatshe la bona la roroma.
5Dithabana tsa nyerologa
jaaka makgaga a dinotshe
ka sebonalo sa ga Jehofa,
ka sefatlhogo sa Morena
wa lefatshe lotlhe.
6Magodimo a kakanya tshiamo ya
gagwe, le ditšhaba tsotlhe
di bonye kgalalelo ya gagwe.
7A go tlhajwe ke ditlhong
bone botlhe ba ba direlang
ditshwantsho tse di setilweng,
ba ba ipelafatsang
ka medimo ya disetwa;
obamelang ene,
lona medimo yotlhe.
8Sione a utlwa, mme a itumela,
le bomorwadia Juta ba ipela;
ka ntlha ya dikatlholo
tsa gago, Jehofa.
9Gonne, wena, Jehofa,
O mogodimo o mogolo,
godimo ga lefatshe lotlhe;
o goleleditswe kgakala
godimo ga medimo yotlhe.
10Lona ba lo ratang Jehofa,
a ko lo ileng bosula;
o tlamela mewa ya baitshepi
ba gagwe;
o ba golola mo seatleng sa baikepi.
11Lesedi le jaletswe basiami;
boipelo le jone bo jaletswe
ba ba thokgameng mo pelong.
12Ipeleng mo go Jehofa lona basiami;
lo ntshetse leina la gagwe
le le boitshepo malebogo.
Who We AreWhat We EelieveWhat We Do
2025 by iamachristian.org,Inc All rights reserved.
