1Foo Jobe a fetola a re:
2“Ana o thusitse jang
ene yo o se nang thata!
Ana o bolokile jang
letsogo le le se nang nonofo!
3Ana o gakolotse jang
ene yo o se nang botlhale,
wa ba wa bolela ka botlalo
kitso ya mmaanete!
4O kakanyeditse mang mafoko?
Mme go dule mowa wa ga mang
mo go wena?”
Biletate5“Ba ba suleng ba roroma
fa tlase ga metsi
le tse di agileng mo go one.
6Bobipo ga bo a ikatega
fa pele ga one,
le Molete wa Tshenyegelo
ga o na sebipo.
7O phuthololela botsheka kwa
sebakeng se se lolea fela,
o lepeletse lefatshe
kwa go seng sepe.
8O bofelele metsi
mo marung a one a a kwenneng;
mme leru ga le phanyege
tlase ga one.
9O sireletse ponalo
ya setulo sa one sa bogosi,
o ale leru la one mo go sone.
10O radile molelwane
mo godimo ga metsi,
go ya dikhutlong tsa lesedi le lefifi
kwa di kopanelang teng.
11Maotwana a legodimo a reketle,
a gakgamale ka kgalemelo ya one.
12O hudue lewatle ka thata ya one,
mme o phololetse Moikgogomosi
ka tlhaloganyo ya one.
13Magodimo a kgabisiwa
ka mowa wa one;
seatla sa one se tlhabile noga
e e fefogang.
14Bonang, mo ke kwa dintlhaneng fela
ga ditsela tsa one;
mme re utlwa ka phofonyetso e
nnye jang ka ga one!
Go duma ga nonofo ya one
e mang yo o ka go tlhaloganyang?”
Who We AreWhat We EelieveWhat We Do
2025 by iamachristian.org,Inc All rights reserved.
