1Moše a tswa mo dipaleng tsa Moabe, a tlhatloga thaba ya Nebo, mme Moše a ya tlhoreng ya Pisega, o o lebaganyeng le Jeriko. Jehofa a mmontsha lefatshe lotlhe la Gileate, go ya kwa Dane;
2le la Nafetali lotlhe, le lefatshe la Eferaime le Manase, le lefatshe lotlhe la Juta, go ya kwa lewatleng le le kwa bophirimatsatsi;
3le ntlheng ya Borwa, le Lobala lwa molapo wa Jeriko, motse wa makolane, go ya kwa Soare.
4 Jehofa a mo raya, a re: “Lefatshe le ke lone le ke ikanetseng Aberahame, le Isake le Jakobe, ka re: ‘Ke tlaa le naya losika lwa gago’; ke le go bontshitse ka matlho a gago, mme ga o ketla o kgabaganyetsa gone.”
5Jalo Moše motlhanka wa Jehofa a swela gone mo lefatsheng la Moabe, ka fa lefokong la ga Jehofa.
6A fitlhwa mo mogogorong mo lefatsheng la Moabe bolebagana le Bethepeore; mme ga go ope yo o itseng ka ga phupu ya gagwe, le gompieno.
7Moše o rile a swa a bo a le dinyaga di le 120; leitlho la gagwe le ne le se lotobo, le thata ya gagwe ya tlholego e sa ngotlega.
8Bana ba Iseraele ba lelela Moše mo dipaleng tsa Moabe ka malatsi a le 30; jalo malatsi a selelo sa go hutsafalela Moše a fela.
9Jošua morwa Nune a bo a tletse mowa wa botlhale; gonne Moše a mmeile diatla; mme bana ba Iseraele ba mo reetsa, ba dira jaaka Jehofa a laotse Moše.
10 E sa le jalo, ga go ise go bo go tsoge moperofeti mo Iseraele yo o tshwanang le Moše, yo Jehofa o ne a mo itse go lebanywe difatlhogo.
11Mo ditshupong tsotlhe le dikgakgamatso tse Jehofa o ne a mo roma gore a di dire mo lefatsheng la Egepeto, mo go Faro, le mo batlhankeng botlhe ba gagwe, le mo lefatsheng lotlhe la gagwe,
12le mo letsogong lotlhe la nonofo, le mo poifisong e kgolo yotlhe, dilo tse Moše a di dira mo ponong ya Baiseraele botlhe fela.
Who We AreWhat We EelieveWhat We Do
2025 by iamachristian.org,Inc All rights reserved.
