1Kana moratwa wa gago o ile kae,
wena yo o leng montlentle bogolo
mo basading?
Moratwi wa gago o menogetse kae
gore re tle re mo go batlise?
Sa Mosadi2Moratwi wa me
o fologetse kwa tshimong ya gagwe,
kwa ditemaneng tsa dinkgisa
monate, o ile go ja mo masimong,
le go kgetla dithunya tsa masoma.
3Ke wa gagwe moratwi wa me,
le moratwi wa me ke wa me;
o hudisa letsomane la gagwe
mo gare ga dithunya tsa masoma.
SEFELA SA BOTLHANOSa Monna4O montle, wena moratwa wa me,
jaaka Tiresa, o sebopego se sentle
jaaka Jerusalema, o a boitshega
jaaka ntwa e e tshotseng mekgele.
5Thibosa matlho a gago mo go nna,
gonne a mphentse.
Moriri wa gago
o ntse jaaka letsomane la dipodi,
le le robetseng fa mohapheng wa
Gileate.
6Meno a gago
a ntse jaaka letsomane la dinku
tse dinamagadi,
tse di tlhatlogileng mo tlhapisong;
tse nngwe le nngwe ya tsone
e nang le bana ba mafatlha,
le tse go se nang epe mo go tsone
e e swetsweng.
7Dipupu tsa gago tsa matlho
di ntse jaaka kgapetla ya garanate
ka fa teng ga sesiro sa gago.
8Go na le bahumagadi ba kgosi
ba le masome a marataro,
le bagadingwana
ba le masome a a ferang mebedi,
le barweetsana ba ba se nang palo.
9Mme letseba la me,
moitekanedi wa me o mongwe fela;
ke ene esi wa ga mmaagwe;
ke ene yo o itshenketsweng
wa gagwe yo o mo tsetseng.
Bana ba basetsana ba ne ba mmona,
mme ba mmitsa mosegofadiwi;
ee, bahumagadi ba kgosi
le bagadingwana, ba mmona,
mme ba mmaka.
10E mang ene yo o gadimang jaaka
moso, a le montle jaaka ngwedi,
a itshekile jaaka letsatsi,
a boitshega jaaka ntwa e e nang
le mekgele?
11Ka fologela kwa tshimong
ya dithamane,
ka ya go bona ditlhatshana
tse ditala tsa molapo,
ka ya go bona,
go re a mofine o a kukunya,
le go re, a garanate
o ntshitse dithunya.
12Ya re ke sa itse sepe
ka tshoga mowa wa me o mpaya
mo gare ga dikara tsa batho ba me
ba segosi.
Sa Basadi13Boa, boa, Mošulame we;
boa, boa gore re tle re go lebe.
MosadiAna lo ratelang go leba Mošulame,
jaaka e ka bo e le pino
ya Mahanaime?
Who We AreWhat We EelieveWhat We Do
2025 by iamachristian.org,Inc All rights reserved.
