PESALEMA 4 - SetswanaTswana 1908/1992（TSW08NO）

Thapelo ya maitseboa ya boikanyo mo ModimongPesalema ya ga Dafite. Ya moopedi yo mogolo; ka diletso tse di ditlhale.

1A e re ke bitsa o nkarabe

Modimo wa tshiamo ya me;

o nkatlhamoloseditse bonno

ke le mo pitlaganong;

nkutlwela botlhoko

mme o utlwe morapelo wa me.

2Lona bomorwa batho,

ana kgalalelo ya me e tlaa fetolwa

tlotlologo goleele go le kaye?

Lo tlaa rata dinyana

lo latela maaka goleele go le kaye?

Sela.

3Itseng fa Jehofa a ipeetse ene

yo e leng moetsa Modimo fa thoko;

Jehofa o tlaa utlwa mogang

ke tlhaeleletsang kwa go ene.

4 Emang ka poifo, mme lo se leofe;

buabuang ka dipelo tsa lona

mo malaong a lona,

mme lo tuulale. Sela.

5Isang ditlhabelo tsa tshiamo,

lo ikanye Jehofa.

6Go na le bantsi ba ba reng,

e mang yo o tlaa re bontshang

sengwe se se molemo?

Jehofa, re tsholeletse lesedi

la sefatlhogo sa gago.

7O tsentse boitumelo

mo pelong ya me,

go gaisa jwa bone

jwa motlha o mabele a bone

le bojalwa jwa bone jwa mofine

di totileng.

8Ke tlaa rapama

ke ba ke robala mo kagisong;

gonne Jehofa ke wena wesi

yo o nkagisang mo polokegong.