PESALEMA 13 - SetswanaTswana 1908/1992（TSW08NO）

Thapelo ya go thusiwa mo dipatikegongPesalema ya ga Dafite. Ya moopedi yo mogolo.

1E tlaa nna lobaka lo lokae,

Jehofa,

a o tlaa ntebala ka bosakhutleng?

O tlaa mphitlhela sefatlhogo sa gago

ka lobaka lo lokae?

2Ke tlaa nna ke gakololana le mowa

wa me ka lobaka lo lokae,

ka ke tlhola letsatsi lotlhe fela

ke ntse ke na le bohutsana

mo pelong ya me?

Mmaba wa me o tlaa nkgodisediwa

ka lobaka lo lo kae?

3O tle o akanye, o bo o mphetole

Jehofa, Modimo wa me;

bonesa matlho a me,

nka tla ka robala boroko ja loso;

4mmaba wa me o ka tla a re:

“Ke mo fentse;”

baganetsi ba me ba ka tla ba itumela

mogang ke tshikinyegang.

5Nna, ke ikantse

mo boutlwelongbotlhoko jwa gago;

pelo ya me e tlaa itumela

mo polokeng ya gago;

6ke tlaa opelela Jehofa

ka a ntiretse sentle

ka mo go tletseng.