PESALEMA 101 - SetswanaTswana 1908/1992（TSW08NO）

Boitlamo jwa go tshela ka tshiamoPesalema ya ga Dafite.

1Ke tlaa opela ka ga

boutlwelobotlhoko le katlholo;

Jehofa ke wena

ke tlaa go opelelang dipako.

2Ke tlaa ipaya ka boitlhokomelo

mo tseleng e e lekanetseng;

ana o tlaa tla leng mo go nna?

Ke tlaa tsamaya mo teng ga ntlo ya

me ka pelo e e itekanetseng.

3Ga nketla ke baya sepe

se se maswe fa pele ga matlho a me;

ke ila tiro ya ba ba fapogang;

ga e ketla e nngaparela.

4Pelo e e lesoko e tlaa ntlogela;

ga nketla ke itse sepe se se bosula.

5Motho yo o pateletsang wa ga gabo

kwa ditshebong,

ene ke tlaa mo senya;

yo o matlho a a pagameng

a na le pelo ya boikgodiso,

ga nketla ke mo leseletsa.

6Matlho a me a tlaa nna mo go

ba ba ikanyegang ba lefatshe,

gore ba tle ba age le nna;

yo o tsamayang

mo tseleng e e lekanetseng,

ene o tlaa ntirela.

7Yo o dirang tsietso ga a ketla a aga

mo teng ga ntlo ya me;

yo o buang bolotsana

ga a ketla a tlhomama

fa pele ga matlho a me.

8Ka moso le moso ke tlaa nna

ke senya baikepi botlhe ba lefatshe,

go kgaola badiri botlhe ba boikepo

mo motseng wa ga Jehofa.