1Bakang Jehofa.
Bakang lona batlhanka ba ga
Jehofa, bakang leina la gagwe.
2A go bakwe leina la ga Jehofa,
go tloga fano gompieno
go ya bosakhutleng.
3Go tswa botlhabatsatsi,
go ya bophirimong jwa lone,
leina la ga Jehofa
le na le go bakwa fela.
4Jehofa o godimodimo,
godimo ga merafe yotlhe,
kgalalelo ya gagwe
godimo ga magodimo.
5E mang yo o tshwanang
le Jehofa Modimo wa rona,
yo setulo sa gagwe
se kwa godimong?
6Yo o ikokobetsang gore a bone
dilo tse di kwa legodimong
le mo lefatsheng.
7O kakatlolola mohumanegi mo
loroleng, a tsholetse motlhoki
a mo tlose mo thotobolong;
8gore a tle a mmeye
mo dikgosaneng,
e bong mo dikgosaneng
tsa batho ba gagwe.
9O dira gore mosadi yo o moopa
a nne le motse,
le go nna mma bana yo o itumelang.
Bakang Jehofa.
Who We AreWhat We EelieveWhat We Do
2025 by iamachristian.org,Inc All rights reserved.
