何西阿書 3 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

何西阿㧯無守貞節个婦人家

1上主又對𠊎講：「去惜 若𡜵娘 ，就係該被別人惜、又犯姦淫个婦人家。你愛惜姖，像𠊎惜以色列人共樣。雖然佢等離開𠊎，去拜別个神明，當愛拜過偶像个葡萄餅 ，𠊎還係惜佢等。」

2所以，𠊎用十五隻銀幣㧯一百五十公斤大麥个代價將吾𡜵娘 贖轉來。

3𠊎對姖講：「你愛㧯𠊎共下住一站盡長个時間，毋好去做妓女、犯姦淫，總係這站時間𠊎做毋得㧯你同房。」

4共樣，有一站相當長个時間，以色列人會無君王㧯領袖，無獻祭，無石柱，無偶像㧯卜卦个聖筊仔。

5這站期間過去，以色列人會回心轉意 ，尋求上主 — 佢等个上帝，回復佢等个君王大衛个家。恁樣，在將來个日仔，佢等會敬畏上主，領受佢个恩惠。