詩篇 61 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

祈求保護 大衛个詩，交給聖歌隊長，用絲弦个樂器。

1上帝啊，求你聽𠊎个求喊；

求你側耳垂聽𠊎个祈禱。

2𠊎在遠離家門个地極，

𠊎心肝鬱啐，𠊎求喊你。

求你帶𠊎到安全个避難所！

3事實上你就係𠊎个保護者，

係𠊎抵抗敵人堅強个城堡。

4求你俾𠊎永遠住在你个帳篷肚；

俾𠊎在你个翼胛下背得到庇佑。

5上帝啊，因為你有聽𠊎所許个願；

你賜𠊎敬畏你个人應得个產業。

6求你增加國王个壽年，

使佢長命到萬世萬代！

7上帝啊，願佢在你个面前永遠做王；

願你用信實㧯不變个慈愛保護佢。

8恁樣，𠊎就永遠唱歌頌讚你个名；

𠊎還愛逐日對你還𠊎所許个願。