1城牆係恁樣重建起來个 ：
大祭司以利亞實㧯佢該兜祭司兄弟重建羊門，奉獻給上主，又安好門扇。佢等又起城牆，直到百樓㧯哈楠業樓，將它奉獻出來。
2接等該站係耶利哥人來起。
再接等該站係音利个孻仔撒刻來起。
3 哈西拿宗族起魚門。佢等將樑㧯門全部安好，又裝門閂來鎖城門。
4接等該站係哈哥斯个孫仔，烏利亞个孻仔米利末來修整。
再接等該站係米示薩別个孫仔，比利迦个孻仔米書蘭來修整。
再接等該站係巴拿个孻仔撒督來修整。
5接等該站係提哥亞城个人來修整；總係該城个領袖毋擔當總工頭指定佢等做个工。
6 巴西亞个孻仔耶何耶大㧯比所玳个孻仔米書蘭來修整耶沙拿門
。佢等將樑㧯門全部安好，又裝門閂來鎖城門。7接等該站係基遍人米拉提、米倫人雅頓、還有屬河西省長所管个基遍城㧯米斯巴城个人來修整。
8接等該站係哈海雅个孻仔銀匠烏薛來修整。
再接等該站係製造香料个哈拿尼雅來修整。這兜人修建耶路撒冷，直到闊牆。
9接等該站係戶珥个孻仔，管理半隻耶路撒冷个利法雅來修整。
10接等該站係哈路抹个孻仔耶大雅來修整，係在佢自家屋下个對面。
接等該站係哈沙尼个孻仔哈突來修整。
11接等該站係哈琳个孻仔瑪基雅㧯巴哈‧摩押个孻仔哈述來修整；佢等也修整爐樓。
12接等該站係哈羅黑个孻仔，管理耶路撒冷另外一半个沙龍來修整。佢該兜妹仔也共下來𢯭手。
13 哈嫩㧯撒挪亞城个百姓重新來起谷門。佢等將門安好，也裝門閂來鎖城門。佢等又修整城牆四百四十公尺，直到垃圾門。
14 利甲个孻仔，管理伯‧哈基琳區个瑪基雅重新來起垃圾門。佢將門安好，也裝門閂來鎖城門。
15 各‧荷西个孻仔，管理米斯巴區个沙崙重新來起泉水門，也起入口个門廊。佢將門安好，又裝門閂。佢也將西羅亞池滣頭王家花園該站城牆修整，一直做到對大衛城下來个石段仔。
16 押卜个孻仔尼希米管理伯‧夙區个一半，佢修整再下一站，直到大衛墓地个對面，又到陂塘㧯勇士个屋仔 。
修整城牆个利未人17下背係利未人修整个幾站城牆：
巴尼个孻仔利宏修整再下一站。
管理一半个基伊拉區个哈沙比雅，佢為所管理个地區修整再下一站。
18 希拿達个孻仔巴瓦伊管理另外一半基伊拉區，佢修整再下一站。
19 耶書亞个孻仔以謝管理米斯巴，佢修整再下一站，在兵器庫个頭前，直到城牆轉彎个所在。
20 薩拜个孻仔巴錄修整再下一站，直到大祭司以利亞實屋仔个門口。
21 哈哥斯个孫仔、烏利亞个孻仔米利末修整再下一站，直到以利亞實个屋尾。
修整城牆个祭司22下背係祭司修整个幾站城牆：
住在耶路撒冷四周圍个祭司修整再下一站。
23 便雅憫㧯哈述修整再下一站，就在佢等个屋頭前。
亞難尼个孫仔、瑪西雅个孻仔亞撒利雅修整再下一站，就在佢个屋頭前。
24 希拿達个孻仔賓內修整再下一站，對亞撒利雅个屋舍到城牆轉角。
25-26 烏賽个孻仔巴拉修整再下一站，對城牆轉角㧯王宮上層突出來个城樓，偎護衛院該位開始修整。
巴錄个孻仔比大雅修整再下一站，直到偎水門東片㧯聖殿守衛住个城樓。 (這就係偎俄斐勒、聖殿工人住个所在。)
其他修整个人27 提哥亞人修整再下一站；這係佢等修整个第二段：對守衛聖殿个大城樓對面開始，直到近俄斐勒該位个城牆。
28有兜祭司修整再下一站，對馬門向北開始。逐個祭司在佢等自家个屋仔頭前修整。
29 音麥个孻仔撒督修整再下一站，就在厥屋仔頭前。
示迦尼个孻仔，看守東門个示瑪雅修整再下一站。
30 示利米雅个孻仔哈拿尼雅㧯薩拉个第六個孻仔哈嫩修整再下一站。這係佢等修整个第二段。
比利迦个孻仔米書蘭修整再下一站，就在厥屋仔个頭前。
31打銀仔个瑪基雅修整再下一站，直到聖殿工人㧯生理人用个屋仔該位；這屋仔對等守望門
，偎近城牆東北个角樓。32打銀仔个㧯生理人修整最尾一站，對城牆个角樓直到羊門。
Who We AreWhat We EelieveWhat We Do
2025 by iamachristian.org,Inc All rights reserved.
