詩篇 82 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

上帝係最高个統治者 亞薩个詩。

1上帝主持天庭个聚會，

在該兜神當中做決裁。

2佢講：「你等愛停止無公平个審判！

你等看壞人个情面愛到幾時呢？

3愛維護窮苦人㧯孤兒个權利；

對待困苦㧯受壓迫个人愛公當。

4愛援助窮苦㧯無倚靠个人，

愛透放佢等脫離壞人个欺負。

5「這兜神全無智識也無明白！

佢等在烏暗中行來行去；

世間正義个根基就搖動。

6「𠊎恅到你等係神，

全部係至高者个孻仔。

7總係你等同世間人共樣會死；

你等會像逐個王子恁樣橫掉。」

8上帝啊，求你䟘起來審判世界，

因為萬國全部係屬你个。