詩篇 54 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

祈求保護 西弗人來對掃羅王報告：「大衛敢毋係囥在𠊎等該位嗎？」該時，大衛做這教訓詩，交給聖歌隊長，用絲弦个樂器。

1上帝啊，求你因為你个名拯救𠊎；

求你用你个大能為𠊎伸冤。

2上帝啊，求你聽𠊎个祈禱；

求你側耳來聽𠊎个懇求。

3生份人愛攻擊𠊎；

強暴人愛殺害𠊎。

佢等眼中無上帝。

4其實，上帝係𠊎个幫助；

主扶持𠊎个生命。

5願上帝報應𠊎个敵人所做个壞事；

主啊，求你照自家个信實消滅佢等。

6上主啊，𠊎愛甘心樂意獻祭給你；

𠊎愛感謝你，因為你係至善。

7上主已經救𠊎脫離一切患難；

𠊎親眼看到仇敵失敗。