1下背係以色列逐家族个族長、帶領千人㧯百人軍隊个軍官，㧯王指派做行政个官長个名單。佢等逐年照月輪流值班，逐組有一個軍官指揮；逐組人數係兩萬四千儕。
2-15下背係逐隻月值班軍官个名單：
第一隻月：撒巴第業个孻仔雅朔班 (佢係屬猶大支族个法勒斯宗族)。
第二月：亞哈希个後代朵代 (密基羅做佢个助手)。
第三月：祭司耶何耶大个孻仔比拿雅係「三十勇士」个領袖 (佢个孻仔暗米薩拔繼承佢做這組个指揮官)。
第四月：約押个老弟亞撒黑 (佢个孻仔西巴第雅繼承佢做這組个指揮官)。
第五月：伊斯拉个後代珊合。
第六月：提哥亞人益吉个孻仔以拉。
第七月：以法蓮支族比倫人希利斯。
第八月：戶沙人西比該 (佢係屬猶大支族中謝拉宗族)。
第九月：便雅憫支族亞拿突人亞比以謝。
第十月：尼陀法人瑪哈萊 (佢係屬謝拉宗族)。
第十一月：以法蓮支族比拉頓人比拿雅。
第十二月：尼陀法人黑玳 (佢係俄陀聶个後代)。
以色列各支族个官長16-22下背係以色列各支族官長个名單：
呂便支族：細基利个孻仔以利以謝，
西緬支族：瑪迦个孻仔示法提雅，
利未支族：基母利个孻仔哈沙比雅，
亞倫支族：撒督，
猶大支族：大衛王个阿哥以利戶，
以薩迦支族：米迦勒个孻仔暗利，
西布倫支族：俄巴第雅个孻仔伊施瑪雅，
拿弗他利支族：亞斯列个孻仔耶利摩，
以法蓮支族：阿撒細雅个孻仔何細亞，
西瑪拿西支族：比大雅个孻仔約珥，
東瑪拿西支族：撒迦利亞个孻仔易多，
便雅憫支族：押尼珥个孻仔雅西業，
但支族：耶羅罕个孻仔亞薩列。
23 大衛王無調查二十歲以下人民个數目，因為上主識應許愛使以色列人个數目像天頂个星仔恁多。
24約押 (阿姆係洗璐雅) 開始調查戶口，總係無查完。上帝因為這件戶口調查个事責罰以色列，所以調查个總數無登記在大衛王个官方記錄。
王室財產个主管25-31下背係王室財產行政官員个名單：
主管王室倉庫个係亞疊个孻仔押斯馬威，
主管鄉村、城市、㧯守望塔倉庫个係烏西雅个孻仔約拿單，
主管農場工人个係基綠个孻仔以斯利，
主管葡萄園个係拉瑪人示每，
主管酒槽个係實弗米人撒巴底，
主管橄欖樹㧯桑樹 (在西片山腳下) 个係基第利人巴勒‧哈南，
主管橄欖油庫个係約阿施，
主管沙崙平原个牛群个係沙崙人施提賚，
主管山壢中个牛群个係亞第來个孻仔沙法，
主管駱駝群个係以實瑪利人阿比勒，
主管驢群个係米倫人耶希底亞，
主管羊群个係夏甲人雅悉。
大衛个私人顧問32 大衛王个阿叔約拿單係一個有智慧个顧問，也係一個經學專家。哈摩尼个孻仔耶歇負責該兜王子个教育。
33亞希多弗也係王个顧問。亞基人戶篩係王个朋友㧯參謀。
34亞希多弗死掉以後，亞比亞他㧯比拿雅个孻仔耶何耶大接等佢做顧問。約押做王家軍隊个元帥。
Who We AreWhat We EelieveWhat We Do
2025 by iamachristian.org,Inc All rights reserved.
