約書亞記 12 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

摩西打贏个王

1先前以色列人征服㧯佔領約旦河東片地區，對亞嫩山壢向北到約旦河谷，直到黑門山。佢等打贏兩個王。

2其中一個係住在希實本个亞摩利王西宏。佢統治个國土包含基列个一半：就係對亞嫩山壢堘頭个亞羅珥，㧯對山壢中央个城鎮，到亞捫邊界个雅博山壢；

3又包含約旦河谷：對加利利湖向南到死海東片个伯‧耶西末，直到比斯迦山腳下。

4佢等也打贏巴珊王噩。佢係最後一個利乏音人；佢住在亞斯他錄㧯以得來。

5佢統治个國土包含黑門山、撒迦、巴珊全地，直到基述㧯瑪迦个邊界；另外有基列个一半，一直到希實本王西宏个邊界。

6 摩西㧯以色列人打贏這兩個王。上主个僕人摩西將這兜土地分給呂便支族、迦得支族，㧯瑪拿西个半支族，做佢等个產業。

約書亞打贏个王

7 約書亞㧯以色列人打贏約旦河西片地區該兜王，對黎巴嫩山壢个巴力‧迦得到南片以東附近个哈拉山。約書亞將這垤土地分給以色列各支族，做佢等永久个產業。

8這垤土地包含山區、西片个高原、約旦河谷㧯它个山岡、東片个山排，㧯南片个燥地。這垤土地本來係赫人、亞摩利人、迦南人、比利洗人、希未人㧯耶布斯人住个。

9 以色列人打贏以下各城个王：耶利哥、艾 (在伯特利附近)、

10耶路撒冷、希伯崙、

11耶末、拉吉、

12伊磯倫、基色、

13底璧、基德、

14何珥瑪、亞拉得、

15立拿、亞杜蘭、

16瑪基大、伯特利、

17他普亞、希弗、

18亞弗、拉沙崙、

19瑪頓、夏瑣、

20伸崙‧米崙、押煞、

21他納、米吉多、

22基低斯、約念 (在迦密)、

23多珥 (在山地)、戈印 (在加利利

)，

24㧯得撒，總共三十一個王。