詩篇 12 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

祈禱求幫助 大衛个詩，交給聖歌隊長，調用第八。

1上主啊，幫助𠊎等！

虔誠人絕掉了；

在世間已經尋毋到忠心个人囉！

2大家互相講花撩，

嘴甜舌滑，心懷兩意。

3願上主封掉奉承个嘴唇，

割掉所有講大話个舌乸。

4佢等講：「舌乸係𠊎等得勝个武器；

嘴係𠊎等个，麼人管得到呢？」

5總係，上主講：「這下，𠊎愛䟘起來！

因為該兜軟弱个人受到壓迫，

該兜窮苦人噌聲透大氣；

𠊎愛救佢等脫離迫佢等个人 。」

6上主个應許最真實，全無缺點，

像火爐中煉過七擺个銀恁純。

7-8邪惡人四處橫打直過；

下流个人反轉受尊重。

上主啊，你一定會保護𠊎等，

救𠊎等永遠脫離這世代个人。