以西結書 15 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

葡萄樹个比喻

1上主㧯𠊎講話；

2佢講：「人子啊，葡萄樹㧯別个樹仔樣比抑得呢？葡萄樹个枝仔㧯樹林肚个樹仔樣比抑得呢？

3你做得拿它來做麼介？你做得拿它來做掛東西个樹釘仔麼？

4它單淨做得拿來燒火。它兩頭已經燒掉，中央也燒到烏烏，你還做得拿它來做麼介呢？

5就算還吂燒，它乜無麼介用；燒掉，燒到烏烏，還較無用。」

6-7所以，至高个上主恁樣講：「𠊎愛將耶路撒冷个人民逐出來，責罰佢等，就像𠊎對樹林肚將葡萄樹擇出來燒恁樣。就算佢等閃過一場火災，還有另外一場大火愛將佢等燒淨淨。𠊎責罰佢等个時，你等就會知𠊎係上主。

8佢等對𠊎無忠心，所以𠊎愛使佢等个土地荒廢。」至高个上主恁樣宣佈了。