1 猶大个後代有法勒斯、希斯崙、迦米、戶珥㧯朔巴。
2朔巴𫱔利亞雅；利亞雅𫱔雅哈；雅哈𫱔亞戶買㧯拉哈。佢等係瑣拉人个祖先。
3-4 戶珥係迦勒㧯以法她所𫱔个長子；佢个後代開設伯利恆城。戶珥有三個孻仔 — 以坦、比努伊勒、以謝珥。以坦有三個孻仔 — 耶斯列、伊施瑪、伊得巴，並有一個妹仔哈悉勒玻尼。比努伊勒開設基多城；以謝珥開設戶沙城。
5 亞施戶開設提哥亞城，佢有兩個𡜵娘 — 希拉㧯拿拉。
6拿拉為佢𫱔四個孻仔 — 亞戶撒、希弗、提米尼、哈轄斯他利。
7希拉為佢𫱔三個孻仔 — 洗列、瑣轄、伊提南。
8 哥斯係亞諾㧯瑣比巴个阿爸，係哈崙个孻仔亞哈黑宗族个祖先。
9有一個人名安到雅比斯，係佢兄弟當中最受尊重个人。厥姆將佢安到雅比斯
，因為𫱔佢个時非常痛苦。10雅比斯祈求以色列个上帝講：「上帝啊，求你賜福給𠊎，俾𠊎土地增加盡多。求你㧯𠊎共下，保守𠊎脫離災害，無受痛苦。」上帝就照佢所求个賜給佢。
其他家族个名單11 書哈个兄弟基綠有一個孻仔安到米黑。米黑𫱔伊施屯；
12伊施屯有三個孻仔 — 伯‧拉巴、巴西亞、提欣拿。提欣拿係拿轄城个開設人。這兜人个後代全部住在利迦。
13 基納斯有兩個孻仔 — 俄陀聶㧯西萊雅。俄陀聶也有兩個孻仔 — 哈塔㧯憫挪太
。14憫挪太係俄弗拉个阿爸。
西萊雅𫱔約押；約押係師傅山壢个開設人；住在師傅山壢个全部係有技術个工人。
15 耶孚尼个孻仔迦勒有三個孻仔 — 以路、以拉、拿安。以拉𫱔基納斯。
16 耶哈利勒有四個孻仔 — 西弗、西法、提利、亞撒列。
17-18 以斯拉有四個孻仔 — 益帖、米列、以弗、雅倫。米列討埃及王个妹仔比提雅；佢等有一個妹仔米利暗，兩個孻仔 — 沙買㧯益巴。益巴開設以實提摩城。米列也討一個猶大支族个細妹仔；佢等𫱔三個孻仔，就係開設基多城个雅列、開設梭哥城个希伯、㧯開設撒挪亞城个耶古鐵。
19 荷第雅討拿含个老妹；佢等个後代係住在基伊拉城个迦米宗族㧯住在以實提摩城个瑪迦宗族个祖先。
20 示門有四個孻仔 — 暗嫩、林拿、便‧哈南、提倫。
以示有兩個孻仔 — 梭黑㧯便‧梭黑。
示拉个後代21 猶大个孻仔當中，有一個名安到示拉。示拉个後代有開設利迦城个珥，開設瑪利沙城个拉大，㧯住在伯‧亞實比城刺麻紗个宗族，
22還有約敬、哥西巴城个人民、約阿施，㧯該討摩押細妹仔住在伯利恆
个薩拉。 (這兜全部係當早个記錄。)23佢等係為王服務个燒缶師傅，住在尼他應㧯基低拉。
西緬个後代24 西緬有五個孻仔 — 尼母利、雅憫、雅立、謝拉、少羅。
25少羅个孻仔係沙龍，孫仔係米比衫，曾孫係米施瑪。
26米施瑪个孻仔係哈母利，孫仔係撒刻，曾孫係示每。
27示每有十六個孻仔，六個妹仔，總係厥兄弟个子女較少，所以西緬支族無像猶大支族人丁興旺。
28 西緬个後代一直到大衛王時代全部住在這兜城市：別是巴、摩拉大、哈薩‧書亞、
29辟拉、以森、陀臘、
30彼土利、何珥瑪、洗革拉、
31伯‧瑪加博、哈薩‧蘇撒、伯‧比利、沙拉音。
32佢等也住在以坦、亞因、臨門、陀健、亞珊五隻城市，
33包含附近个村莊，直到西南方个巴力城。以上係佢等所住个地方，佢等有自家个族譜。
34-38佢等宗族族長个名記在下背：
米所巴、雅米勒、亞瑪謝个孻仔約沙、約珥、約示比个孻仔耶戶、 (約示比係西萊雅个孻仔、亞薛个孫仔)、還有以利約乃、雅哥巴、約朔海、亞帥雅、亞底業、耶西篾、比拿雅、示非个孻仔細撒。 (示非係亞龍个孻仔，亞龍係耶大雅个孻仔，耶大雅係申利个孻仔，申利係示瑪雅个孻仔。)
因為佢等个宗族一直增加，
39佢等向西發展，會到基拉耳
，在基拉耳个山壢東片尋掌羊仔个所在。40佢等在該位尋到一大片當闊當肥个草場；該草場非常恬靜。以前係含族人住在該位。
41在猶大王希西家時代，以上講个該兜族長到基拉耳，攻擊含族人个帳篷㧯該位所有个米烏尼人，將佢等滅掉，然後一直定居在該位，因為該位有當好个草場做得掌羊仔。
42西緬支族另外有五百個人向東到以東。佢等个領袖係以示个四個孻仔 — 比拉提、尼利雅、利法雅、烏薛。
43佢等㓾掉該兜逃走留在以東个亞瑪力人，然後一直定居在該位。
Who We AreWhat We EelieveWhat We Do
2025 by iamachristian.org,Inc All rights reserved.
