詩篇 70 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

求幫助个祈禱(詩篇 40:13-17) 大衛求主紀念个詩，交給聖歌隊長。

1上帝啊，求你拯救𠊎！

上主啊，求你遽遽來幫助𠊎！

2願該兜想愛收𠊎命个人失敗見笑！

願想愛看𠊎受害个人退走受侮辱！

3願該兜嘲謔𠊎講：

「啊哈！好勢了！」个人，

自家見笑來打亂退！

4願所有尋求你个人因為你歡喜快樂！

願一切愛慕你拯救个人緊講：

「上帝真偉大！」

5𠊎係盡軟弱又窮苦个人；

上帝啊，求你遽遽到𠊎這位來。

你係𠊎个幫助，𠊎个拯救者；

上主啊，求你毋好停跎！