詩篇 8 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

上主个榮耀㧯人个尊嚴 大衛个詩，交給聖歌隊長，用迦特樂器。

1上主 — 𠊎等个主啊，

你个名在全世界係樣般个偉大！

頌讚你个聲音傳遍滿天 ；

2連孲𤘅㧯細人仔也一同唱歌。

你用佢等个歌聲建立能力，防備你个敵人；

你阻止仇敵對你个攻擊。

3𠊎昂頭看你親手創造个天，

看你所排列个月光㧯星辰。

4啊！人算麼介，你顧念佢！

會朽壞个人 算麼介，你看顧佢！

5你造佢只有比你自家 較細一些仔定定；

你用榮光尊貴做佢个冕旒。

6你俾佢管理你手所造个萬物，

將一切放在佢个腳下：

7牛、羊、野生个禽獸、

8天空个飛鳥、水中个魚、

海肚个生物，全部交給佢管理。

9上主 — 𠊎等个主啊，

你个名在全世界係樣般个偉大！