1盡多流亡个人轉到耶路撒冷㧯猶大，到自家个家鄉。自從巴比倫王尼布甲尼撒將佢等捉去，佢等家族个人一直流亡在巴比倫。
2佢等當中个領袖有：所羅巴伯、耶書亞、尼希米、西萊雅、利來雅、末底改、必珊、米斯拔、比革瓦伊、利宏㧯巴拿。
以下係以色列逐宗族流亡轉來个人數統計：
3-20 巴錄宗族兩千一百七十二儕，
示法提雅宗族三百七十二儕，
亞拉宗族七百七十五儕，
巴哈‧摩押宗族 (耶書亞㧯約押个後代) 兩千八百一十二儕，
以攔宗族一千兩百五十四儕，
薩土宗族九百四十五儕，
薩改宗族七百六十儕，
巴尼宗族六百四十二儕，
比拜宗族六百二十三儕，
押甲宗族一千兩百二十二儕，
亞多尼干宗族六百六十六儕，
比革瓦伊宗族兩千零五十六儕，
亞丁宗族四百五十四儕，
亞特宗族 (希西家个後代) 九十八儕，
比賽宗族三百二十三儕，
約拉宗族一百一十二儕，
哈順宗族兩百二十三儕，
吉罷珥宗族九十五儕。
21-35轉到祖籍地个人數統計：
伯利恆人一百二十三儕，
尼陀法人五十六儕，
亞拿突人一百二十八儕，
亞斯瑪弗人四十二儕，
基列‧耶琳人、基非拉人㧯比錄人共七百四十三儕，
拉瑪人㧯迦巴人共六百二十一儕，
默瑪人一百二十二儕，
伯特利人㧯艾人共兩百二十三儕，
尼波人五十二儕，
末必人一百五十六儕，
另外一個以攔个後代一千兩百五十四儕，
哈琳人三百二十儕，
羅德人、哈第人㧯阿挪人共七百二十五儕，
耶利哥人三百四十五儕，
西拿人三千六百三十儕。
36-39祭司宗族轉來个人數：
耶大雅宗族 (耶書亞个後代) 九百七十三儕，
音麥宗族一千零五十二儕，
巴施戶珥宗族一千兩百四十七儕，
哈琳宗族一千零一十七儕。
40-42 利未宗族轉來个有：
耶書亞㧯甲篾宗族 (何達威雅个後代) 七十四儕，
聖殿歌手 (亞薩个後代) 一百二十八儕，
聖殿守衛 (沙龍、亞特、達們、亞谷、哈底大、朔拜个後代) 一百三十九儕。
43-54聖殿工人个宗族轉來个有：
西哈、哈蘇巴、答巴俄、基綠、西亞、巴頓、利巴拿、哈迦巴、亞谷、哈甲、薩買、哈難、吉德、迦哈、利亞雅、利汛、尼哥大、迦散、烏撒、巴西亞、比賽、押拿、米烏寧、尼普心、巴卜、哈古巴、哈忽、巴洗律、米希大、哈沙、巴柯、西西拉、答瑪、尼細亞、哈提法。
55-57 所羅門僕人个宗族轉來个有：
瑣太、哈瑣斐列、比路大、雅拉、達昆、吉德、示法提雅、哈替、玻黑列‧哈斯巴音、亞米。
58聖殿工人个後代㧯所羅門僕人个後代，對流亡轉來个人數總共有三百九十二儕。
59-60屬第萊雅、多比雅㧯尼哥大宗族个有六百五十二儕。佢等對特‧米拉、特‧哈薩、基綠、押但㧯音麥轉來；總係佢等無法度證明自家係以色列人个後代。
61-62祭司宗族身份無清楚个有：哈巴雅、哈哥斯、巴西萊。 (巴西萊祭司族个祖先討基列人巴西萊族个一個婦人家，用厥丈人老宗族个名。) 因為佢等三家無法度用族譜證明佢等个祖先係麼人，毋算淨浰，所以做毋得做祭司。
63猶太人个省長㧯佢等講，做毋得食獻給上帝个食物，直到有祭司用烏陵㧯土明解決這疑問。
64-67轉來个總人數四萬兩千三百六十儕，
另外，佢等个男女僕人七千三百三十七儕，
男女歌手兩百儕，
馬七百三十六隻，
騾仔兩百四十五隻，
駱駝四百三十五隻，
驢六千七百二十隻。
68當這兜流亡个人到耶路撒冷上主聖殿个時，有兜族長獻甘心祭，愛在老地方重起上帝个聖殿。
69佢等照力量為這工作奉獻，總共有金仔五百公斤，銀仔兩千八百公斤，還有一百領給祭司个禮服。
70祭司、利未人，㧯一部份人民住在耶路撒冷㧯附近个所在 ；歌手、聖殿守衛，㧯聖殿工人住在耶路撒冷附近个城肚；其他个以色列人全部住自家个家鄉。
Who We AreWhat We EelieveWhat We Do
2025 by iamachristian.org,Inc All rights reserved.
