1 猶大支族該兜家族所分到个土地記在下背：
佢等个土地向南直到以東邊界，到尋个曠野最南片。
2這南片地界係對死海南片開始，
3向南對亞克拉濱路口到尋，又對加低斯‧巴尼亞南方向北，經過希斯崙，直到亞達珥，再轉向甲加，
4直到押捫，再順埃及邊境个河壩到地中海。這就係猶大支族南片个地界。
5東片个地界係死海，向上到約旦河流到死海个入口。
北片个地界對該入口開始，
6直到伯‧曷拉，透到該會看到約旦河河滣平原个山嶺北片，向北到波罕石 (波罕係呂便个孻仔)，
7又對亞割山壢到底璧，向北到吉甲 (吉甲面對河谷南片个亞都冥路口)。然後地界透到隱‧示麥，通到隱‧羅結，
8順欣嫩子山壢到山南片个耶布斯城 (就係耶路撒冷)，對這位上到欣嫩山壢西片个山頂，就係利乏音山壢最北片，
9又透到尼弗多亞泉，到以弗崙山附近个城鎮，然後轉向巴拉 (又安到基列‧耶琳)，
10捩過巴拉西片到以東山區，連到耶琳山北片 (又安到基撒崙山)，向下到伯‧示麥，過亭拿，
11然後向以革倫北片个山，再轉向施基崙，經過巴拉山到雅比聶，直到地中海。
12 地中海就係猶大支族西片个邊界。
猶大該兜家族个人就係住在這地區。
迦勒佔領希伯崙㧯底璧(士師記 1:11-15)13 約書亞遵照上主个命令將猶大一部份土地分給猶大支族耶孚尼个孻仔迦勒。迦勒得到希伯崙，就係屬亞衲厥爸个亞巴城。
14迦勒將亞衲三個孻仔个後代逐出城；就係示篩族、亞希幔族，㧯撻買族。
15迦勒又對該位攻打底璧个人民。這城以前安到基列‧西弗。
16迦勒講：「麼人佔領基列‧西弗，𠊎就將𠊎个妹仔押撒嫁給佢！」
17迦勒个老弟基納斯个孻仔俄陀聶佔領該城；所以迦勒將妹仔押撒給佢做𡜵娘。
18結婚該日，俄陀聶唆慫押撒
去向厥爸討一垤田地。押撒一下驢仔，迦勒就問姖愛麼介，19姖講：「求你送𠊎一個禮物；因為你俾𠊎安居在燥地，求你也給𠊎泉水。」所以迦勒將上泉水㧯下泉水全部給姖。
猶大支族个城鎮20以下係猶大支族該兜家族得到个產業。
21最南片偎近以東邊境个城鎮有：甲薛、以得、雅姑珥、
22基拿、底摩拿、亞大達、
23基低斯、夏瑣、以提楠、
24西弗、提鍊、比亞綠、
25夏瑣‧哈大他、加略‧希斯崙 (就係夏瑣)、
26亞曼、示瑪、摩拉大、
27哈薩‧迦大、黑實門、伯‧帕列、
28哈薩‧書亞、別是巴、比斯約他、
29巴拉、以因、以森、
30伊勒多臘、基失、何珥瑪、
31洗革拉、麥瑪拿、三撒拿、
32利巴勿、實欣、亞因㧯臨門，總共二十九座城，㧯附近个村莊。
33在西片高原个城鎮有：以實陶、瑣拉、亞實拿、
34撒挪亞、隱‧干寧、他普亞、以楠、
35耶末、亞杜蘭、梭哥、亞西加、
36沙拉音、亞底他音、基底拉㧯基底羅他音，總共十四座城，㧯附近个村莊。
37又有洗楠、哈大沙、麥大‧迦得、
38底連、米斯巴、約帖、
39拉吉、波斯加、伊磯倫、
40迦本、拉幔、基提利、
41基低羅、伯‧大袞、拿瑪㧯瑪基大，總共十六座城，㧯附近个村莊。
42又有立拿、以帖、亞珊、
43益弗他、亞實拿、尼悉、
44基伊拉、亞革悉㧯瑪利沙，總共九座城，㧯附近个村莊。
45又有以革倫㧯附近个村莊，
46對以革倫到地中海、偎近亞實突所有个村莊。
47又有亞實突㧯迦薩，連同附近个村莊，直到埃及邊境个河壩㧯地中海滣。
48在山區有：沙密、雅提珥、梭哥、
49大拿、基列‧薩拿 (就係底璧)、
50亞拿伯、以實提莫、亞念、
51歌珊、何倫㧯基羅，總共十一座城，㧯附近个村莊。
52又有亞拉、度瑪、以珊、
53雅農、伯‧他普亞、亞非加、
54宏他、基列‧亞巴 (就係希伯崙)，㧯洗珥，總共九座城，㧯附近个村莊。
55又有瑪雲、迦密、西弗、淤他、
56耶斯列、約甸、撒挪亞、
57該隱、基比亞㧯亭拿，總共十座城，㧯附近个村莊。
58又有哈忽、伯‧夙、基突、
59瑪臘、伯‧亞諾㧯伊勒提君，總共六座城，㧯附近个村莊。
60又有基列‧巴力 (就係基列‧耶琳) 㧯拉巴兩座城，㧯附近个村莊。
61在曠野有：伯‧亞拉巴、密丁、西迦迦、
62匿珊、鹽城㧯隱‧基底，總共六座城，㧯附近个村莊。
63 猶大人無法度將住在耶路撒冷个耶布斯人逐走，所以耶布斯人還係㧯猶大人共下住在該位，直到今晡日。
Who We AreWhat We EelieveWhat We Do
2025 by iamachristian.org,Inc All rights reserved.
