1這下城牆已經修建好了，城門也安好了；聖殿守衛、詩班隊員，㧯其他利未人个工作也全部分派好勢了。
2所以𠊎派兩個人監督管理耶路撒冷个事；佢等係𠊎个兄弟哈拿尼㧯城堡个官長哈拿尼雅。哈拿尼雅係一個忠心个人，又敬畏上帝贏過眾人。
3𠊎吩咐佢等，天還吂光，做毋得開耶路撒冷个城門；日頭落山、守衛離開以前，愛關城門，閂好。𠊎也吩咐佢等愛對耶路撒冷人民當中指派守衛，一部份人看守特別个地點，其他个就在自家屋下周圍巡邏。
流亡轉來个名單(以斯拉記 2:1-70)4 耶路撒冷城又大又闊，總係住在城肚个人無多，屋舍起好个也無多。
5上帝感動𠊎召集民眾㧯佢等个領袖並官長，登記佢等个家譜。𠊎尋到第一批被人捉去又轉來个人个記錄。下背就係𠊎尋到个資料：
6盡多流亡个人離開巴比倫省，轉到耶路撒冷㧯猶大，逐個人轉去自家个家鄉。這兜人㧯佢等屋下个人，自從被尼布甲尼撒王捉走以來，一直流亡在巴比倫。
7佢等个領袖係所羅巴伯、耶書亞、尼希米、亞撒利雅、拉末、拿哈瑪尼、末底改、必珊、米斯比列、比革瓦伊、尼宏、巴拿。
8-25下背係以色列逐宗族對流亡轉來个人數統計：
巴錄宗族兩千一百七十二名；
示法提雅宗族三百七十二名；
亞拉宗族六百五十二名；
巴哈‧摩押宗族 (耶書亞㧯約押个後代) 兩千八百一十八名；
以攔宗族一千兩百五十四名；
薩土宗族八百四十五名；
薩改宗族七百六十名；
賓內宗族六百四十八名；
比拜宗族六百二十八名；
押甲宗族兩千三百二十二名；
亞多尼干宗族六百六十七名；
比革瓦伊宗族兩千零六十七名；
亞丁宗族六百五十五名；
亞特宗族 (希西家个後代) 九十八名；
哈順宗族三百二十八名；
比賽宗族三百二十四名；
哈利宗族一百一十二名；
基遍宗族九十五名。
26-38轉到原鄉个人數統計：
伯利恆㧯尼陀法人一百八十八名；
亞拿突人一百二十八名；
伯‧亞斯瑪弗人四十二名；
基列‧耶琳、基非拉㧯比錄人七百四十三名；
拉瑪㧯迦巴人六百二十一名；
默瑪人一百二十二名；
伯特利㧯艾人一百二十三名；
另外一個尼波个後代五十二名；
另外一個以攔个後代一千兩百五十四名；
哈琳人三百二十名；
耶利哥人三百四十五名；
羅得、哈第㧯阿挪人七百二十一名；
西拿人三千九百三十名。
39-42祭司宗族轉來个人數統計：
耶大雅宗族 (耶書亞个後代) 九百七十三名；
音麥宗族一千零五十二名；
巴施戶珥宗族一千兩百四十七名；
哈琳宗族一千零一十七名。
43 利未宗族轉來个人數統計：
耶書亞㧯甲篾宗族 (何達威雅个後代) 七十四名；
44聖殿歌手 (亞薩个後代) 一百四十八名；
45聖殿守衛 (沙龍、亞特、達們、亞谷、哈底大㧯朔拜个後代) 一百三十八名。
46-56聖殿工人个宗族轉來个有：
西哈、哈蘇巴、答巴俄、
基綠、西亞、巴頓、
利巴拿、哈迦巴、薩買、
哈難、吉德、迦哈、
利亞雅、利汛、尼哥大、
迦散、烏撒、巴西亞、
比賽、米烏寧、尼普心、
巴卜、哈古巴、哈忽、
巴洗律、米希大、哈沙、
巴柯、西西拉、答瑪、
尼細亞、哈提法。
57-59 所羅門僕人个宗族轉來个有：
瑣太、瑣斐列、比路大、
雅拉、達昆、吉德、
示法提雅、哈替、玻黑列‧哈斯巴音㧯亞捫。
60聖殿工人个後代㧯所羅門僕人个後代，對流亡轉來个總人數總共三百九十二名。
61-62屬第萊雅、多比雅㧯尼哥大宗族个有六百四十二名。佢等對特‧米拉、特‧哈薩、基綠、亞頓，㧯音麥城轉來；總係佢等無法度證明自家係以色列人个後代。
63-64尋毋到族譜來證明佢等祖先个祭司宗族有：哈巴雅、哈哥斯、巴西萊。 (巴西萊祭司宗族个祖先討基列人巴西萊族个一個婦人家，就用厥丈人老宗族个名。) 因為佢等無法度證明佢等个祖先係麼人，算做無淨浰，所以做毋得做祭司。
65猶太人个省長㧯佢等講，做毋得食獻給上帝个食物，直到有祭司用烏陵㧯土明 解決這疑問。
66-69轉來个總人數四萬兩千三百六十名；
佢等个男女僕人七千三百三十七名；
男女歌手兩百四十五名；
馬仔七百三十六隻；
騾仔兩百四十五隻；
駱駝四百三十五隻；
驢仔六千七百二十隻。
70-72盡多人幫助付修整聖殿个費用；佢等个奉獻記在下背：
省長：黃金八公斤，
禮儀用个碗五十隻，
祭司禮服五百三十領。
該兜族長：黃金一百六十八公斤，
銀仔一千兩百五十公斤。
其他个人民：黃金一百六十八公斤，
銀仔一千一百四十公斤，
祭司禮服六十七領。
73所有个以色列人，包含祭司、利未人、聖殿守衛、聖殿歌手、盡多人民，㧯聖殿工人等等，全部轉猶大自家个家鄉安定下來。
Who We AreWhat We EelieveWhat We Do
2025 by iamachristian.org,Inc All rights reserved.
