尼希米記 11 - 客語聖經 – 現代臺灣客語譯本，新舊約全書客語聖經 – 漢字版(THV12Hdb)-客家语

住在耶路撒冷个人

1人民个領袖全部住在耶路撒冷；其他个人民抽籤，十個家族選出一家住在聖城耶路撒冷，賸个九家就住在其他城鎮。

2自願住在耶路撒冷个人，全部得到眾人个稱讚。

3以色列人、祭司、利未人、聖殿工人，㧯所羅門僕人个後代住在猶大省其他城鎮，就係佢等自家祖公業个所在。

下背係住在耶路撒冷該兜猶大省領袖个名單：

4 猶大支族个族人有：

亞他雅 — 佢係烏西雅个孻仔，撒迦利雅个孫仔。佢个祖先還有亞瑪利雅、示法提雅，㧯瑪勒列；佢等全部係猶大个孻仔法勒斯个後代。

5 瑪西雅 — 佢係巴錄个孻仔，谷‧何西个孫仔。佢个祖先還有哈塞亞、亞大雅、約雅立，㧯撒迦利雅；佢等全部係猶大个孻仔示羅尼个後代。

6 法勒斯个後代有四百六十八名勇士住在耶路撒冷。

7 便雅憫支族个族人有：

撒路 — 佢係米書蘭个孻仔，約葉个孫仔。佢个祖先還有比大雅、哥賴雅、瑪西雅、以鐵㧯耶篩亞。

8 迦拜㧯撒萊 — 佢等係撒路个近親 。

總共有九百二十八個便雅憫人住在耶路撒冷。

9細基利个孻仔約珥係佢等个監督。哈西努亞个孻仔猶大係這城肚个副監督。

10祭司有：

約雅立个孻仔耶大雅，還有雅斤。

11大祭司西萊雅 — 佢係希勒家个孻仔，米書蘭个孫仔。佢个祖先還有撒督、米拉約㧯亞希突。

12這宗族總共有八百二十二名在聖殿當職。

亞大雅 — 佢係耶羅罕个孻仔，比拉利个孫仔。佢个祖先還有暗洗、撒迦利亞、巴施戶珥㧯瑪基雅。

13這宗族總共有兩百四十二名係家族長。

亞瑪帥 — 佢係亞薩列个孻仔，亞哈賽个孫仔。佢个祖先還有米實利末㧯音麥。

14這宗族有一百二十八名係當會相㓾个勇士。佢等个監督係撒巴第業；佢係哈基多琳个孻仔。

15 利未人有：

示瑪雅 — 佢係哈述个孻仔，押利甘个孫仔。佢个祖先還有哈沙比雅㧯布尼。

16 沙比太㧯約撒拔 — 佢等係盡優秀个利未人，監督上帝聖殿外个事情。

17 瑪他尼 — 佢係米迦个孻仔，撒底个孫仔，亞薩个後代。佢帶領聖殿詩班唱感謝个祈禱。

八布迦 — 佢係瑪他尼个助手。

押太 — 佢係沙母亞个孻仔，加拉个孫仔，耶杜頓个後代。

18 利未人總共有兩百八十四名住在聖城耶路撒冷。

19聖殿守衛有：

亞谷、達們，㧯佢等个親屬總共一百七十二名。

20其他个以色列人、祭司、利未人留在猶大个其他城鎮、佢等个老屋。

21聖殿工人住在耶路撒冷个俄斐勒；西哈㧯基斯帖管理佢等。

22住在耶路撒冷个利未人，佢等个監督係哈沙比雅个孫仔，巴尼个孻仔烏西。佢个祖先係瑪他尼㧯米迦，屬亞薩宗族，就係在上帝个聖殿負責音樂个宗族。

23王有命令，規定這宗族應該樣般輪流帶領逐日个聖殿音樂。

24 米示薩別个孻仔比他希雅屬謝拉宗族、猶大支族；佢幫助波斯皇帝辦理猶大人个事。

其他城鎮个人

25盡多人住在佢等農村附近个鄉鎮。猶大支族个人住在基列‧亞巴、底本、葉甲薛，㧯這兜城附近个村莊。

26佢等也有人住在耶書亞、摩拉大、伯‧帕列、

27哈薩‧書亞、別是巴㧯周圍个村莊。

28佢等住在洗革拉城，在米哥拿㧯周圍个村莊，

29在音‧臨門、瑣拉、耶末、

30撒挪亞、亞杜蘭，㧯這兜鄉鎮附近个村莊。佢等住在拉吉㧯附近个農村，亞西加㧯周圍个村莊。也就係講，猶大人住个所在係對別是巴直到欣嫩山壢。

31 便雅憫支族个人住在迦巴、密抹、艾、伯特利㧯周圍个村莊、

32亞拿突、挪伯、亞難雅、

33夏瑣、拉瑪、基他音、

34哈疊、洗編、尼八拉、

35羅德、阿挪，㧯師傅个山壢。

36有兜識住在猶大土地个利未人受派㧯便雅憫人共下住。