1有一個人名安到米迦，住在以法蓮山區。
2佢對阿姆講：「有人偷你一千一百隻銀幣，𠊎聽到你咒詛該賊仔。你看，銀幣在𠊎這位，係𠊎拿去个。」
厥姆講：「孻仔啊，願上主賜福給你！」
3米迦就將一千一百隻銀幣還給阿姆。厥姆講：「為到收轉孻仔應該受个咒詛，𠊎誠心將銀幣獻給上主，來雕刻一隻偶像，另外鑄造一隻偶像。這下𠊎將這兜銀幣交給你。」
4米迦將銀幣還給阿姆，阿姆拿兩百隻銀幣給一個銀匠，喊佢雕刻一隻偶像又鑄造一隻偶像。這兜偶像就放在米迦个屋下。
5這人米迦有自家个神廟；佢還造一兜家中个神像㧯一領以弗得，又指定佢一個孻仔做祭司。
6該時，以色列還吂有君王，逐儕照自家所歡喜个去做。
7同時，猶大个伯利恆城有一個後生个利未人；
8佢離開伯利恆，想尋別个地方住。在路途中 ，佢行到以法蓮山區，到米迦个屋下。
9米迦問佢：「你對㖠位來？」
佢應講：「𠊎係利未人，對猶大个伯利恆來；𠊎愛尋位所住。」
10 米迦講：「你就住在𠊎這位啊！你做𠊎个顧問㧯祭司；𠊎逐年給你十隻銀幣，也給你幾身衫褲㧯食物。」
11這後生利未人答應留在米迦屋下，米迦款待佢像自家个孻仔。
12米迦派佢做祭司，佢就住在米迦屋下。
13米迦講：「這下𠊎有一個利未人做𠊎个祭司了，上主一定會賜福給𠊎！」
Who We AreWhat We EelieveWhat We Do
2025 by iamachristian.org,Inc All rights reserved.
