1 亞倫个後代分做幾組。亞倫有四個孻仔 — 拿答、亞比戶、以利亞撒、以他瑪。
2拿答㧯亞比戶比佢等个阿爸先死，無後代，所以佢等个老弟以利亞撒㧯以他瑪做祭司。
3大衛王照亞倫後代个職務將佢等分做以下幾組，從以利亞撒个後代撒督㧯以他瑪个後代亞希米勒協助大衛處理這事。
4以利亞撒後代个男人做族長个比以他瑪个後代較多，所以以利亞撒个後代分做十六組；以他瑪个後代分做八組。
5總係佢等个工作係用抽籤个方式分配个，因為以利亞撒㧯以他瑪後代全部有人做聖所事務㧯靈性生活个領導者。
6以利亞撒㧯以他瑪个後代輪流抽籤。該時，利未人拿坦業个孻仔示瑪雅做書記代佢等登記；王㧯王个官員、祭司撒督、亞比亞他个孻仔亞希米勒、祭司家族㧯利未家族个族長做證人。
7二十四組分配職務个順序記在下背：
第一籤，耶何雅立；
二，耶大雅；
8三，哈琳；
四，梭琳；
9五，瑪基雅；
六，米雅民；
10七，哈歌斯；
八，亞比雅；
11九，耶書亞；
十，示迦尼；
12十一，以利亞實；
十二，雅金；
13十三，胡巴；
十四，耶是比押；
14十五，璧迦；
十六，音麥；
15十七，希悉；
十八，哈闢悉；
16十九，比他希雅；
二十，以西結；
17二十一，雅斤；
二十二，迦末；
18二十三，第來雅；
二十四，瑪西亞。
19這兜人係照佢等在上主聖殿个職務登記个；這兜職務係佢等个祖先亞倫照上主 — 以色列上帝个命令所定个。
利未人个名單20 利未支族其他家族族長个名單記在下背：
暗蘭子孫書巴業个後代耶希底亞，
21 利哈比雅个後代伊示雅，
22 以斯哈子孫示羅摩个後代雅哈，
23 希伯倫个四個孻仔，照大細順序排列：耶利雅、亞瑪利亞、雅哈悉、耶加面，
24 烏薛子孫米迦个後代沙密，
25 烏薛子孫伊示雅 (米迦个兄弟) 个後代撒迦利雅。
26 米拉利个後代有抹利、母示、㧯雅西雅。
27 雅西雅个孻仔就係朔含、撒刻、伊比利。
28-29 抹利有兩個孻仔 — 以利亞撒㧯基士。
以利亞撒無孻仔；基士个後代有耶拉篾。
30 母示有三個孻仔 — 末力、以得、耶利摩。
以上係利未人个家族。
31逐家族族長㧯厥族內一個後生个兄弟平等為佢等个職務抽籤，就像佢等个親屬亞倫後代做祭司个人所做个共樣。大衛王、撒督、亞希米勒、祭司㧯利未家族該兜族長全部係證人。
Who We AreWhat We EelieveWhat We Do
2025 by iamachristian.org,Inc All rights reserved.
