1按呢，我欲問，上帝豈有放拺伊的子民？絕對無！我本身嘛是以色列人，是亞伯拉罕的後代，屬便雅憫支族。
2上帝毋曾放拺伊早就揀選的子民。恁豈毋知聖經有記載，以利亞對上帝控告以色列人，
3講：「主啊，𪜶刣死你的先知，拆毀你的祭壇，只有賰我一人，𪜶嘛啲數想我的性命。」
4毋拘上帝按怎應答？伊講：「我有為著家己留七千個毋曾跪拜巴力的人。」
5現今此個時的情形嘛是按呢，上帝有留用恩典揀選的少數人。
6既然是上帝的恩典，就毋是根據人的行為；若根據人的行為，恩典就毋是恩典！
7若按呢，以色列人無得著𪜶啲追尋的，只有上帝所揀選的少數人有得著。其他的人心硬毋聽，
8照聖經所記載：
上帝互𪜶的心靈麻痺，
目睭看𣍐見，
耳孔聽𣍐著，
直到今仔日。
9 大闢講：
著互𪜶的宴席成做陷坑、羅網，
互𪜶跋倒，做𪜶的報應。
10著互𪜶的目睭花，𣍐看見，
互𪜶的尻脊骿永遠曲痀。
外邦人的得救11按呢，我欲講，以色列人倒落去，豈攏𬦰𣍐起來？一定𣍐按呢！顛倒因為𪜶的過失，拯救臨到外邦人，來激起以色列人的怨妒。
12既然以色列人的過失會互世間人得著豐富的祝福，𪜶的失敗會互外邦人得著豐富的祝福，何況以色列人若全數得著救，彼個祝福豈𣍐閣較豐富？
13現在我對恁外邦人講。既然我是外邦人的使徒，我看我的職份做榮光，
14按呢通激起我的同胞的怨妒，來救𪜶中間一寡人。
15以色列同胞受棄拺若會互世間人及上帝閣和好，𪜶閣受接納豈毋是親像人對死閣活？
16頭一塊麵丸若聖別歸互上帝，歸甑嘛攏會按呢；樹根若聖別歸互上帝，枝嘛攏會按呢。
17人給橄欖樹枝剪起來，將恁諸個野生的橄欖樹枝接落去，來接受仝彼欉樹根的營養分，
18恁就毋通對剪起來的樹枝誇口。恁若欲誇口，著知，毋是根啲倚靠恁，是恁啲倚靠根。
19你豈採欲講：「諸個樹枝剪起來是欲給我接落去。」
20著！𪜶毋信才受剪起來，你對信才徛會牢。你毋通驕傲，著驚惶。
21因為上帝若無留原來的樹枝，嘛無一定會留你。
22所以，著知上帝的慈愛及嚴轄，對墮落的人，伊真嚴轄，毋拘你若繼續倚靠伊的慈愛，伊就用慈愛對待你；若無，你嘛會受剪斷失去伊的慈愛。
23以色列人若毋是堅持毋信，就會受接倒轉去，因為上帝會當閣給𪜶接倒轉去。
24恁諸個對野生的橄欖樹剪起來的樹枝，上帝都會當違反自然給恁接佇好的橄欖樹，許個原來的樹枝豈𣍐閣較應該接倒轉去？
上帝的疼普及萬民25兄弟姊妹，我愛恁知此個奧妙的真理，才𣍐想講家己是聰明。此個奧妙就是一部份的以色列人暫時硬心，到外邦人歸主的數目滿為止。
26按呢，所有的以色列人攏會得救。照聖經所記載：
拯救者會對錫安出來，
伊會除去雅各的不虔不義。
27彼時我欲除去𪜶的罪；
這是我及𪜶所立的約。
28一方面，對福音的觀點來講，以色列人因為恁的緣故成做上帝的對敵。另外一方面，對揀選的觀點來講，因為𪜶祖先的緣故，𪜶成做上帝所疼的人；
29因為上帝的恩賜及揀選𣍐改變。
30恁外邦人以前無順服上帝，現在因為以色列人無順服，恁才得著憐憫。
31仝款，因為恁有得著憐憫，𪜶現在無順服上帝，是欲互𪜶嘛會得著憐憫。
32上帝將所有的人攏關佇無順服的狀態，是為著欲憐憫所有的人。
榮光歸上帝33上帝的豐盛、智慧、知識，偌仔呢深沉啊！
伊的判斷得推測；
伊的道路得尋著！
34什麼人知主的心意？
什麼人會當替伊出主意？
35什麼人曾先互伊什麼，
伊著報答𪜶？
36因為萬物攏出佇伊，倚靠伊，歸佇伊；
願伊得著榮光直到永遠。阿們！
Who We AreWhat We EelieveWhat We Do
2025 by iamachristian.org,Inc All rights reserved.
