詩篇 82 - 現代台語譯本漢字版(TTVH)-闽南语

亞薩的詩。上帝是至高的主宰

1上帝佇天庭主持大會，

佇眾神的會中啲審判。

2「恁無照公義審判，

偏袒歹人欲到什麼時？

3恁著為散赤人及孤兒申冤，

為困苦欠缺的人主持公道。

4著解救散赤欠缺的人，

互𪜶脫離歹人的手。

5「恁毋知，完全𣍐了解，

佇烏暗中行來行去；

公義的根基攏搖泏。

6我曾講：『恁是神，

攏是至高上帝的子；

7毋拘恁及世間人像款攏會死，

親像逐個領袖會倒落去。』」

8上帝啊，求你起來審判世界，

因為萬國攏是你的。