1你此個查某囝仔中上媠的啊，
你親愛的去叨位？
你親愛的越轉去叨位？
阮通及你做夥去尋。
(女)2我親愛的落去伊的園，
去淐出芳味的花園；
伊佇園內飼羊，
閣挽百合花。
3我屬我親愛的，我親愛的嘛屬我；
伊佇百合花中啲飼羊。
第五首(男)4我的愛人啊，你媠親像得撒，
可愛親像耶路撒冷，
威儀親像攑大旗的軍隊。
5你的目睭毋通看我，
因為會奪我的心。
你的頭毛親像歸群的山羊，
對基列的山坪趒落來。
6你的嘴齒親像歸群的羊母，
洗清氣對水裡𬦰起來；
逐隻攏生雙生，
無一隻拍損。
7你的鬢邊佇帕的內面，
親像擘開的石榴。
8就是講有六十個王后，八十個嬪妃，
閣有算𣍐了的宮女，
9你是我唯一純全的粉鳥，
是老母獨生，
特別疼惜的查某子。
查某囝仔看著，攏講伊有福氣；
王后嬪妃嘛稱讚伊。
10光彩親像清早的光，
媠親像月，燦爛親像日，
威儀親像攑大旗的軍隊，彼個是啥人？
11我落去核桃園，
欲看山谷中的果子，
看葡萄發芛抑未，
石榴開花抑未。
12不知不覺，我若親像坐佇尊貴的人的馬車頂。
(耶路撒冷的查某囝仔)13跳啊，書拉蜜，跳！
踅過來，踅過去，互阮看你啲跳舞。
(女)恁哪啲看書拉蜜，
親像啲看兩隊的兵跳舞？
Who We AreWhat We EelieveWhat We Do
2025 by iamachristian.org,Inc All rights reserved.
