1下面是先知哈巴谷所宣告對上主來的信息。
哈巴谷的訴苦2上主啊，我對你喉叫，
你無聽，欲偌久啊？
我喝「有強暴」，你哪無來解救？
3你是按怎欲互我看見邪惡？
災難即多，你哪無欲插？
佇我面前有毀滅及強暴；
衝突及鬥爭不時啲發生。
4因為按呢，律法失去效力，
正義𣍐當施行；
歹人欺壓義人，
致到正義受歪曲。
上主的回答5上主講：
「注意觀察恁周圍的國家，
恁會真著驚。
佇恁活啲的日，我欲做一項代誌，
給恁講，恁嘛𣍐相信。
6恁看，我欲互殘忍兇暴的巴比倫強盛起來；
𪜶欲進軍全世界，
霸佔別人的土地；
7𪜶可怕恐怖，
眼中無人，用家己的意志定法律。
8「𪜶的戰馬比豹走較緊，
比黃昏的豺狼較猛。
馬兵對遠遠的所在來，
奔跑直闖，
親像鷹鳥衝落來欲吞食。
9𪜶來欲行強暴；
𪜶堅決向前進攻，
掠著的俘虜親像沙赫多。
10𪜶藐視君王，
譏刺執政者；
𪜶恥笑所有的堡壘，
造土堆給𪜶攻取。
11𪜶親像風掃過了後，閣繼續向前；
𪜶是有罪的人，拜家己的氣力做神明。」
哈巴谷閣再訴苦12上主啊，你豈毋是對古早就存在？
你是至聖，是阮的上帝，你永遠𣍐死。
上主啊，你竟然揀選巴比倫來審判阮。
阮的石磐啊，你竟然指派伊來刑罰阮。
13你的目睭清氣甲𣍐看邪惡，
𣍐看歹代。
是按怎你容忍詭詐的人？
邪惡的人吞滅比𪜶較正直的人，
是按怎你佯恬恬？
14你互人親像海裡的魚，
親像啲趖的蟲，
無領袖給𪜶管理。
15 巴比倫用魚鉤給𪜶鉤，
用網給𪜶拋，
用魚網給𪜶網，
給𪜶掠了了。
巴比倫就歡喜快樂，
16對網獻祭，
對魚網燒香，
因為𪜶靠網得著豐富的食物，生活奢侈。
17𪜶豈通按呢繼續拋網掠魚，
無情殘殺列國的人民？
Who We AreWhat We EelieveWhat We Do
2025 by iamachristian.org,Inc All rights reserved.
