1此個代誌以後，耶穌去加利利境內逐所在；伊無愛去猶太，因為猶太教的領袖尋機會欲給伊刣。
2猶太人的搭寮節啲欲到。
3所以耶穌的兄弟給伊講：「你著離開遮去猶太，互你的門徒嘛通看你啲做的代誌。
4人欲出名𣍐恬恬仔做。既然你啲做諸個代誌，著去做互世間人看。」
5因為連伊的兄弟都無信伊。
6耶穌給𪜶講：「我的時猶未到；不過恁逐時攏便便。
7世間人無理由怨恨恁；𪜶怨恨我，因為我不時啲指出𪜶的行為邪惡。
8恁做恁上去守節；我無愛上去守此個節，因為我的時機猶未成熟。」
9耶穌講諸個話了後繼續留佇加利利。
耶穌守搭寮節10耶穌的兄弟上去守節，伊嘛去，毋是公開，是恬恬仔去。
11節期的中間，猶太教的領袖啲尋耶穌，問講：「伊佇什麼所在？」
12群眾的中間有真多人私下啲議論耶穌的代誌。有人講：「伊是好人。」嘛有人講：「毋是，伊是啲煽動群眾。」
13毋拘𪜶驚猶太教的領袖，無人敢公然講起伊的代誌。
14節期過一半，耶穌才上去聖殿教示人。
15猶太教的領袖感覺奇怪，講：「此個人無受過教育，哪赫呢有學問？」
16耶穌應講：「我的教示毋是我家己的，是差我來彼位的教示。
17人若願意實行上帝的旨意，就會知我的教示是對上帝來抑是照家己的意思啲講。
18倚靠家己講的是啲求家己的榮光；求差伊彼位的榮光的人是真實，伊的內面攏無不義。
19摩西豈無互恁律法？不過恁中間無甲一個遵守律法。是按怎恁想欲刣我？」
20群眾應講：「你毋啲看著鬼。啥人想欲刣你？」
21耶穌對𪜶講：「我干焦做一項代誌，恁就攏感覺奇怪。
22摩西命令恁行割禮，恁嘛佇安歇日給人行割禮。事實，此個禮儀毋是對摩西，是對恁祖先開始。
23既然恁為著欲遵守摩西的律法，佇安歇日給一個查甫囝仔行割禮，按呢我佇安歇日互一個病人完全好起來，恁是按怎對我受氣？
24毋通看外表來判斷是非，著照公正判斷。」
伊是基督抑毋是25有一寡耶路撒冷的人啲講：「此個豈毋是𪜶想欲殺害彼個人？
26你看，伊公開啲講話，𪜶嘛無講什麼給伊反對。豈講諸個官長真正知此個人是基督？
27毋拘此個人的來歷咱攏知；基督來的時，無人會知伊對叨位來。」
28耶穌佇聖殿啲教示的時，大聲講：「恁識我，嘛知我的來歷；不過我毋是照家己的意思來。差我來彼位是真實，恁卻毋識伊。
29我識伊，因為我對伊遐來，伊差遣我來。」
30𪜶就想欲給伊掠，不過無人下手，因為伊的時猶未到。
31群眾的中間有真多人信伊，講：「基督來的時，豈會比此個人行較多神跡？」
警衛受派掠耶穌32法利賽派的人聽著群眾私下啲議論耶穌的代誌，祭司長及法利賽人就派聖殿的警衛去掠耶穌。
33耶穌講：「我閣及恁做夥無偌久就欲轉去差我來彼位遐。
34恁會尋我，毋拘尋𣍐著，因為我去的所在，恁𣍐當去。」
35 猶太教的領袖互相講：「此個人欲去叨位互咱尋𣍐著？伊想欲去四散佇希臘城市的猶太僑民遐，去教示希臘人是無？
36伊講『恁會尋我，毋拘尋𣍐著』，閣講『我去的所在，恁𣍐當去』，這是什麼意思？」
活水的溪37節期的最後彼日，嘛是上重要的日，耶穌徛起來，大聲講：「嘴焦的人著來我遮飲。
38信我的人，照聖經所講：『有活水的溪會對伊的腹內淐出來。』」
39耶穌按呢講是指信伊的人啲欲領受的聖神。彼時，上帝猶未賜聖神，因為耶穌猶未得著榮光。
群眾因為耶穌起紛爭40群眾的中間有人聽著諸個話就講：「此個人真正是彼位先知。」
41閣有人講：「此個人是基督。」
不過嘛有人講：「基督哪會對加利利出？
42聖經豈毋是講基督是大闢的子孫，是對大闢的故鄉伯利恆出？」
43按呢，群眾因為耶穌的緣故起紛爭。
44其中有一寡人想欲掠耶穌，毋拘無人下手。
猶太教的領袖毋信耶穌45聖殿的警衛轉去見祭司長及法利賽派的人。𪜶就問警衛講：「恁哪無給伊押來？」
46警衛應講：「毋曾有人講話親像此個人。」
47法利賽人就對𪜶講：「恁嘛互伊迷去噢？
48咱的官長抑是法利賽人豈有人信伊？
49此陣毋識律法的群眾是受咒詛的。」
50法利賽人的中間曾去見耶穌的尼哥德慕給𪜶講：
51「照咱的律法，無先審問閣查明人有做什麼，豈會當給伊定罪？」
52𪜶應講：「你嘛是加利利來的是無？你查考聖經就知加利利毋曾出先知。」
犯姦淫的婦仁人{
53眾人攏轉去家己的厝，
Who We AreWhat We EelieveWhat We Do
2025 by iamachristian.org,Inc All rights reserved.
