詩篇 111 - 現代台語譯本漢字版(TTVH)-闽南语

著稱讚上主

1哈利路亞，稱讚上主！

佇正直的人聚集的大會中，

我欲全心感謝上主。

2上主的作為真奇妙，

意愛伊作為的人攏歡喜查考。

3伊的作為尊貴威嚴；

伊的公義永遠存續。

4上主行奇事互人記念；

伊有恩惠，有憐憫。

5伊賜米糧互敬畏伊的人；

伊會永遠記牢伊的約。

6伊對伊的子民顯明大權能的作為，

將列邦的土地賜互𪜶。

7伊的手所做的信實公平，

伊的律例確實有效，

8永遠𣍐改變，

照信實公正制定。

9伊救贖伊的子民，

及𪜶立永遠的約。

伊的名是聖，通驚畏。

10敬畏上主是智慧的根本，

照按呢遵行才是聰明。

上主應該永遠受稱讚！