詩篇 11 - 現代台語譯本漢字版(TTVH)-闽南语

大闢的詩，交互聖樂長。信靠上主

1上主是我的避難所；

恁是按怎對我講：

「你著親像鳥飛去山內。

2看啊，歹人拗弓，安𪜶的箭佇弓弦，

欲暗中射心正直的人。

3地基崩去，

義人猶會當做什麼？」

4上主佇伊的聖殿；

上主的寶座佇天裡。

伊的目睭啲看，

金金啲監察世間人。

5上主考驗義人；

歹人及愛強暴的人，伊厭惡。

6伊互啲𤏸的火炭降落佇歹人身上，

用火焰、硫磺，及炎熱的風做𪜶應受的報應。

7上主公義，伊愛公義；

正直的人會見著伊的面。