尼希米記 11 - 現代台語譯本漢字版(TTVH)-闽南语

住佇耶路撒冷的人

1人民的領袖攏住佇耶路撒冷；其他的人民抽籤，每十個家庭有一個來住佇聖城耶路撒冷，另外彼九個住佇別個城。

2所有自願來住佇耶路撒冷的，人民攏給𪜶祝福。

3以色列人、祭司、利未人、聖殿的工人，及所羅門僕人的後代，攏住佇𪜶家己佇猶大所有地的城。

下面是猶大省的領袖住佇耶路撒冷的人：

4有一寡猶大及便雅憫的後代住佇耶路撒冷。屬猶大的有：法勒斯的後代亞他雅，伊是烏西亞的子，烏西亞是撒迦利亞的子，撒迦利亞是亞瑪利雅的子，亞瑪利雅是示法提雅的子，示法提雅是瑪勒列的子；

5閣有瑪西雅，伊是巴錄的子，巴錄是各‧荷西的子，各‧荷西是哈塞亞的子，哈塞亞是亞大雅的子，亞大雅是約雅立的子，約雅立是撒迦利亞的子，撒迦利亞是示羅尼的子。

6法勒斯的後代住佇耶路撒冷的，攏總有四百六十八人；𪜶攏是勇士。

7屬便雅憫的後代有撒路，伊是米書蘭的子，米書蘭是約葉的子，約葉是比大雅的子，比大雅是哥賴雅的子，哥賴雅是瑪西雅的子，瑪西雅是以鐵的子，以鐵是以賽亞的子；

8閣有撒路的親族迦拜、撒來

，共九百二十八人。

9細基利的子約珥是𪜶的長官；哈西努亞的子猶大做彼個城的副市長。

10做祭司的有約雅立的子耶大雅及雅斤；

11猶有管理上帝的殿的西萊雅，西萊雅是希勒家的子，希勒家是米書蘭的子，米書蘭是撒督的子，撒督是米拉約的子，米拉約是亞希突的子；

12猶有𪜶的親族佇聖殿侍奉的，共八百二十二人；閣有亞大雅，伊是耶羅罕的子，耶羅罕是比拉利的子，比拉利是暗西的子，暗西是撒迦利亞的子，撒迦利亞是巴施戶珥的子，巴施戶珥是瑪基雅的子；

13猶有𪜶的親族做族長的，共兩百四十二人；閣有亞瑪帥，伊是亞薩列的子，亞薩列是亞哈賽的子，亞哈賽是米實利末的子，米實利末是音麥的子；

14猶有𪜶的親族勇猛的戰士，共一百二十八人；哈基多琳的子撒巴第業是𪜶的長官。

15 利未人有示瑪雅，伊是哈述的子，哈述是亞斯利干的子，亞斯利干是哈沙比雅的子，哈沙比雅是布尼的子；

16閣有利未人的領袖沙比太及約撒拔，管理上帝聖殿的外務。

17導祈禱感謝的是瑪他尼，伊是米迦的子，米迦是撒底的子，撒底是亞薩的子；閣有瑪他尼的兄弟，其中八布迦做副手；猶有押大，伊是沙慕亞的子，沙慕亞是加拉的子，加拉是耶杜頓的子。

18住佇聖城的利未人，攏總有兩百八十四人。

19顧門的守衛有亞谷及達們，以及𪜶的親族共一百七十二人。

20其他的以色列人、祭司、利未人，住佇𪜶家己佇猶大所有地的城。

21毋拘聖殿工人住佇俄斐勒；西哈及基斯帕做𪜶的監督。

22佇耶路撒冷做利未人的監督，管理上帝聖殿事務的，是負責獻詩的亞薩的後代烏西，伊是巴尼的子，巴尼是哈沙比雅的子，哈沙比雅是瑪他尼的子，瑪他尼是米迦的子。

23王有規定獻詩的人逐日應該做的職務。

24比他希雅代表王辦理猶大人民一切的事務；伊是米示薩別的子，是猶大的子謝拉的後代。

住佇其他鄉鎮的人

25 猶大人住的庄社及𪜶的田園，有基列‧亞巴及周圍的庄社、底本及周圍的庄社、葉甲薛及周圍的庄社，

26以及耶書亞、摩拉大、伯‧帕列、

27哈薩‧書亞、別是巴及附近的庄社；

28閣佇洗革拉、米哥拿及附近的庄社；

29閣佇隱‧臨門、瑣拉、耶末、

30撒挪亞、亞杜蘭及附近的庄社、拉吉及附近的田園、亞西加及附近的庄社。𪜶所住的地區，是對別是巴到欣嫩山谷。

31 便雅憫人住佇迦巴、密抹、艾雅、伯特利及周圍的庄社、

32亞拿突、挪伯、亞難雅、

33夏瑣、拉瑪、基他音、

34哈第、洗波音、尼八拉、

35羅德，以及阿挪、夏納欣山谷。

36有一寡住佇猶大的利未人，受指定歸佇便雅憫。