詩篇 61 - 現代台語譯本漢字版(TTVH)-闽南语

大闢的詩，交互聖樂長；用弦的樂器伴奏。祈求保護

1上帝啊，求你聽我的求叫，

俯落聽我的祈禱。

2我心失志的時，

欲對地的盡頭求叫你。

求你導我到比我較高的石磐。

3因為你是我的避難所，

做我堅固的堡壘通抵抗對敵。

4我欲永遠住佇你的布棚，

匿佇你的翼股下。

5上帝啊，我所下的願你有聽見；

你有將產業賜互敬畏你的人。

6你欲加添王的歲壽，

互伊的年歲到世世代代。

7願伊佇上帝面前久長掌權；

願你用慈愛及信實保護伊。

8按呢，我欲不時唱歌稱讚你的名，

日日謝我的願。