何西阿書 3 - 現代台語譯本漢字版(TTVH)-闽南语

何西阿及不貞的查某人

1上主對我講：「你著閣去愛彼個對你無忠實的查某人；伊現在有一個情人。雖然以色列人去拜別個神明，愛食祭偶像的葡萄乾丸，毋拘我猶疼𪜶；你嘛著按呢疼此個查某人。」

2我就用十五塊銀仔及一百五十公斤大麥給伊買轉來。

3我對伊講：「你著及我住，毋通閣行淫，嘛毋通去隨別個查甫人；毋拘此段時間我嘛無欲及你同房。」

4以色列人會一段長的時間無君王，無首領，無祭祀，無雕刻的柱，無以弗得，無𫞼家族神像。

5後來以色列人會閣轉來歸屬上主 — 𪜶的上帝，回復大闢的王朝；佇將來的日子，𪜶會敬畏上主，領受伊豐盛的恩惠。