瑪拉基書 4 - 現代台語譯本漢字版(TTVH)-闽南语

上主的大日子

1上主 — 萬軍的統帥按呢講：「恁看，日子啲欲到，彼日會親像啲𤏸的火爐；時到，所有自高及作惡的人攏會親像麥稿，互火燒甲連根及枝都攏無去。

2毋拘，恁諸個敬畏我的人，公義的日頭會出現給恁照；伊的光有醫治的功能。恁會親像牛仔出牛椆噗噗跳。」

3上主 — 萬軍的統帥講：「佇我採取行動彼日，恁會踐踏邪惡的人，親像啲踏腳下的土粉。

4「著會記得我的僕人摩西的律法，就是我佇何烈山吩咐以色列人著遵守的規例及命令。

5「你看，佇上主彼個大閣通驚的日子來臨以前，我欲差遣先知以利亞去恁遐。

6伊會互老父的心轉向子兒，子兒的心轉向老父，才免我來的時徹底毀滅此個地。」