詩篇 13 - 現代台語譯本漢字版(TTVH)-闽南语

大闢的詩，交互聖樂長。求幫贊的祈禱

1上主啊，你𣍐記得我欲偌久？到永遠是無？

你面越走毋看我欲偌久？

2我忍受苦痛，歸日心憂傷著到偌久？

我的對敵高升贏過我著到偌久？

3上主 — 我的上帝啊，求你看顧我，應答我，

互我的目睭金金，才免我睏到死去，

4才免我的對敵講「我較贏伊」，

才免我的敵人佇我失敗的時歡喜。

5毋拘我倚靠你的慈愛；

我的心因為你的拯救快樂。

6我欲唱歌稱讚上主，

因為伊用豐盛的恩典對待我。