1上主按呢講：
我互恁老母的離婚書佇叨位？
我給恁賣互叨一個債主？
我是因為恁的罪才給恁賣出去，
因為恁的罪過才給恁老母趕出去。
2是按怎我來的時，恁無半人佇啲？
是按怎我叫的時，恁攏無人應？
是因為我的手骨傷短無法度贖回恁，
抑是我無氣力通解救恁？
恁看咧，我一下喝，海就焦去；
我互江河變做曠野。
魚攏因為嘴焦死去，
因為無水臭去。
3我給天穿烏衫，
給穹蒼蓋麻布。
僕人的受辱及申冤4至高的上主教我講應該講的話，
互我會曉用話扶助厭倦的人。
伊逐早起給我叫醒，
開我的耳孔互我親像學生會曉聽受。
5至高的上主有開我的耳孔，
我無違背，嘛無拒絕。
6人欲拍我，我越尻脊骿互𪜶拍；
人欲惙我的嘴鬚，
我㧣嘴䩃出在𪜶惙。
人侮辱我，給我呸嘴涎，
我嘛無掩我的面。
7至高的上主有幫贊我，
我𣍐受凌辱；
所以，我親像石頭堅定面對一切，
我知，我一定𣍐抵著見笑。
8判我無罪彼位啲欲來啦！
啥人敢控告我？
咱做陣來去上法庭！
啥人及我作對？
做你來控告！
9看！至高的上主有啲幫贊我，
啥人會當宣告我有罪？
看！控告我的人攏會親像衫舊去，
互蛀蟲食了了。
10恁中間什麼人敬畏上主，
遵守伊的僕人的話？
伊雖然佇烏暗無光的路啲行，
嘛會倚靠上主的名，
信賴伊的上帝。
11看！恁所有點火，用火把武裝家己的人，
會互恁所起的火，所點的火焰傷害。
恁一定會佇痛苦折磨中倒落去。
這是我親自給恁註定的。
Who We AreWhat We EelieveWhat We Do
2025 by iamachristian.org,Inc All rights reserved.
