詩篇 142 - 現代台語譯本漢字版(TTVH)-闽南语

大闢佇洞內所做教示的詩；一篇祈禱。求幫贊的祈禱

1我大聲求叫上主，

出大聲懇求上主。

2我佇伊面前吐露我的苦情，

佇伊面前講出我的患難。

3我的心神失志，強欲暈去，你知我的路；

佇我行的路，𪜶暗中給我設羅網。

4求你看我的正旁，佇遐無人為我；

我無所在通匿，嘛無人關心我。

5上主啊，我對你哀求，講：

「你是我的避難所；

我猶活啲的日，你是我的一切。」

6求你俯耳孔聽我的求叫，

因為我陷落到上悲慘的地步；

求你救我脫離窘迫我的人，

因為𪜶比我較強。

7求你救我脫出監牢，

互我通稱讚你的名。

義人會圍纍佇我身邊，

因為你用恩典對待我。