尼希米記 10 - 現代台語譯本漢字版(TTVH)-闽南语

1蓋印的人，有哈迦利亞的子省長尼希米，及西底家。

2閣有祭司西萊雅、亞撒利雅、耶利米、

3巴施戶珥、亞瑪利雅、瑪基雅、

4哈突、示巴尼、瑪鹿、

5哈琳、米利末、俄巴底亞、

6但以理、近頓、巴錄、

7米書蘭、亞比雅、米雅民、

8瑪西亞、璧該、示瑪雅。

9閣有利未人亞散尼的子耶書亞，希拿達的子賓內、甲篾，

10以及𪜶的親族示巴尼、荷第雅、基利他、比萊雅、哈難、

11米迦、利合、哈沙比雅、

12撒刻、示利比、示巴尼、

13荷第雅、巴尼、比尼努。

14閣有人民的領袖巴錄、巴哈‧摩押，以攔、薩土、巴尼、

15布尼、押甲、比拜、

16亞多尼雅、比革瓦伊、亞丁、

17亞特、希西家、押朔、

18荷第雅、哈順、比賽、

19哈拉、亞拿突、尼拜、

20抹比押、米書蘭、希悉、

21米示薩別、撒督、押杜亞、

22比拉提、哈難、亞奈雅、

23何細亞、哈拿尼雅、哈述、

24哈羅黑、比利哈、朔百、

25利宏、哈沙拿、瑪西雅、

26亞希雅、哈難、亞難、

27瑪鹿、哈琳、巴拿。

28其他的人民、祭司、利未人、聖殿的守衛、獻詩的、聖殿的工人，以及所有及列國人民斷絕關係來歸順上帝律法的人，及𪜶的某、𪜶的子、查某子，以及會明白代誌的，

29攏支持許個做領袖的同胞，咒誓宣誓欲遵趁上帝通過伊的僕人摩西所傳授的律法，欲持守遵行上主 — 阮的主一切的誡命、命令，及規例。

30阮無欲將阮的查某子嫁互此所在的外族人，嘛無欲互阮的子娶𪜶的查某子。

31安歇日抑是聖日，此所在的外族人若帶商品抑是五穀來賣，阮無欲給𪜶買。

每第七年，阮無欲種作，嘛無欲討欠阮的債務。

32阮規定，每年逐個人著奉獻四公克的銀，做上帝聖殿的路用，

33包括獻祭的餅、經常獻的素祭及燒化祭，安歇日、初一、節期的祭物，給以色列人贖罪的祭，以及咱的上帝殿內所有工作的費用。

34照律法的記載，阮諸個祭司、利未人，及人民抽籤決定，照宗族逐年定期獻柴，通佇祭壇燒祭物獻互上主 — 咱的上帝。

35逐年，阮欲將地上頭水的五穀，及逐款樹初熟的果子，帶到上主的殿。

36阮欲照律法的規定，將阮的大子、頭上生的牛羊及牲生，帶到上帝的聖殿，交互佇聖殿啲服事的祭司。

37阮欲將上好的麵粉、奉獻的祭物，及逐款樹的果子、新酒，及新油，交互祭司，囥佇上帝聖殿的倉庫；閣將阮的土地收成的十分一互利未人；利未人會親身來阮種作的城收出產的十分一。

38利未人去收十分一的時，著有亞倫後代的一個祭司及利未人做夥；利未人嘛著將十分一的十分一帶來聖殿，收入府庫內的倉庫。

39以色列人及利未人著將𪜶奉獻的五穀、新酒，及新油，帶入收囥聖所器具的倉庫；值班的祭司、守衛、獻詩的，嘛𫢶佇遐。

按呢阮絕對無欲棄拺阮上帝的聖殿。