詩篇 23 - 現代台語譯本漢字版(TTVH)-闽南语

大闢的詩。上主是我的牧者

1上主是我的牧者，

我無欠半項。

2伊互我倒佇青翠的草埔，

導我到清靜的水邊。

3伊互我新的氣力，

為著伊的名導我行正直的路。

4我雖然經過死蔭的山谷，

嘛毋驚災害，

因為你及我同在；

你的棍，你的柺互我安穩自在。

5佇我對敵的面前，

你為著我排設宴席；

你用油抹我的頭殼，款待我作貴賓，

斟我的杯到滿出來。

6你的恩典慈愛一定一世人及我做伴；

我欲永遠住佇上主你的厝。