詩篇 15 - 現代台語譯本漢字版(TTVH)-闽南语

大闢的詩。上帝的要求

1上主啊，什麼款人會當住佇你的布棚？

什麼款人會當徛起佇你的聖山？

2就是行為正直，作事公義，對心底講真實的人。

3伊無用嘴舌中傷人；

伊無陷害朋友，

無四界造謠誹謗厝邊。

4伊的目睭藐視作歹的人，

毋拘尊重敬畏上主的人。

伊咒誓，雖然家己剋虧嘛無改變。

5伊錢借人毋是為著利息；

伊無收賄賂陷害無辜的人。

做此款代誌的人會永遠徛在。