詩篇 1 - 現代台語譯本漢字版(TTVH)-闽南语

第一卷 (1-41 篇)真的福氣

1-2無趁歹人的計謀，

無行罪人的路，

無坐褻瀆者的位，

只有愛慕上主的律法，

暝日亦讀亦想伊的律法，

此款人真有福氣！

3伊親像果子樹栽佇溪邊，

照時結果子，

葉嘛𣍐焦去；

伊所做的一切攏興旺。

4歹人就毋是按呢；

伊親像粗糠互風吹散去。

5所以審判的時，歹人佇上帝面前徛𣍐牢；

罪人佇義人的會中嘛是按呢。

6因為義人的道路上主啲看顧；

歹人只有滅亡一條路。