詩篇 138 - 現代台語譯本漢字版(TTVH)-闽南语

大闢的詩。感恩的祈禱

1我欲全心感謝你，

佇眾神明面前唱歌稱讚你。

2我欲向你的聖殿跪拜，

欲因為你的慈愛及信實稱讚你的名；

因為你互你的名及你的話超越一切。

3我求叫的時你有應我；

你有鼓勵我，互我得著氣力。

4上主啊，世上的君王攏會感謝你，

因為𪜶有聽見你所講的話。

5𪜶會唱歌稱讚上主的作為，

因為上主有大榮光。

6上主雖然尊貴，猶久看顧卑賤的人；

伊對遠遠就認出驕傲的人。

7我雖然互患難圍困，你會保守我的性命；

我的對敵受氣，你會伸手對付，

用正手解救我。

8上主會實現對我的應允。

上主啊，你的慈愛永遠存續。

你親手所做的，求你毋通放棄。