以賽亞書 12 - 現代台語譯本漢字版(TTVH)-闽南语

1佇彼日，你會講：

上主，我感謝你；

雖然你有對我發受氣，

毋拘你的受氣已經煞，

你有給我安慰。

2看啊，上帝是我的拯救；

我倚靠伊，攏𣍐驚惶。

上主是我的氣力，我的詩歌；

伊一直是我的拯救。

3恁會對拯救的井

歡喜快樂汲水。

4佇彼日恁會講：

著稱讚上主，求叫伊的名；

著對萬民宣揚伊的作為。

著宣布：伊的名應該受尊崇。

5著吟詩稱讚上主，

因為伊有奇妙的作為；

著對全世界宣揚此個代誌。

6恁錫安的住民啊，著歡呼，大聲唱歌，

因為佇恁中間的以色列神聖的上帝上偉大。